சோனாக்ஷி சின்ஹா, ஜோதிகா நடித்துள்ள `சிஸ்டம்' | Sonakshi Sinha | Jyotika | System
சோனாக்ஷி சின்ஹா, ஜோதிகா, அஷுதோஷ் கோவாரிகர் நடித்த ‘சிஸ்டம்’ ஒரு கோர்ட்ரூம் த்ரில்லர். அதிகார துஷ்பிரயோகம் மற்றும் நீதிக்கான போராட்டம் கதையின் மையம். பொது வழக்கறிஞர் நேஹா மற்றும் நீதிமன்ற ஸ்டெனோகிராபர் சரிகா, சமூக ரீதியாக வேறுபட்ட பின்னணியிலிருந்தும் உண்மையை வெளிக்கொணர ஒன்றிணைகிறார்கள். ஹர்மன் பவேஜா உள்ளிட்டோர் இணைந்து எழுதிய இந்த படம் மே 22 முதல் ப்ரைம் வீடியோவில் ஸ்ட்ரீமிங்.
சோனாக்ஷி சின்ஹா, ஜோதிகா மற்றும் அஷுதோஷ் கோவாரிகர் நடிப்பில் அஸ்வினி திவாரி இயக்கியுள்ள படம் `சிஸ்டம்'. இதில் ப்ரீத்தி அகர்வால், ஆதிநாத் கோத்தாரே, ஆஷ்ரியா மிஷ்ரா, கவுரவ் பாண்டே மற்றும் சயந்தீப் குப்தா உள்ளிட்ட பலரும் முக்கிய வேடங்களில் நடித்துள்ளனர்.
அதிகாரம் மற்றும் நீதிக்கிடையிலான மோதலை மையமாகக் கொண்ட இந்த அதிரடி கோர்ட் ரூம் த்ரில்லர் படமான இதற்கு ஹர்மன் பவேஜா, அருண் சுகுமார், அஷ்வினி ஐயர் திவாரி, தஸ்னீம் லோகண்ட்வாலா மற்றும் அக்ஷத் கில்தியல் ஆகியோர் இணைந்து திரைக்கதை எழுதியுள்ளனர். படத்தில் சோனாக்ஷி சின்ஹா நடித்துள்ள கதாபாத்திரமான நேஹா ராஜ்வன்ஷ் என்ற பொது வழக்கறிஞரும், ஜோதிகா நடித்துள்ள கதாபாத்திரமான எளிய பின்னணியைச் சேர்ந்த நீதிமன்ற ஸ்டெனோகிராபரான சரிகா ராவத் என்பவரும் எதிர்பாராத வகையில் ஒன்றிணைகிறார்கள்.
சமூக நிலைமையில் முற்றிலும் வேறுபட்டவர்கள் என்றாலும், உண்மையை வெளிக்கொணரவும் நீதியை நிலைநாட்டவும் அவர்கள் சக்திவாய்ந்த அமைப்புகளுக்கு எதிராக போராடுகிறார்கள். முற்றிலும் மாறுபட்ட உலகங்களில் இருந்து வரும், தங்களுக்கென தனித்த எண்ணங்களை கொண்ட இரு உறுதியான பெண்களின் கதையாக உருவாகியுள்ளது இந்த கோர்ட்ரூம் டிராமா திரைப்படம். இந்த `சிஸ்டம்' திரைப்படம் மே 22 ப்ரைம் வீடியோவில் பிரத்யேகமாக வெளியாகிறது.
