தென்காசி மாவட்டம் இடைகால் அருகே துரைசாமிபுரத்தில் கடந்த-24 ஆம் தேதி அன்று இரண்டு தனியார் பேருந்துகள் நேருக்கு நேர் மோதிய விபத்தில் ஆறு பெண்கள் உள்ளிட்ட ஏழு பேர் உயிரிழந்தனர். இந்த விபத்தில் 66 பேர் படுகாயம் அடைந்து தென்காசி மாவட்ட அரசு தலைமை மருத்துவமனையில் 60 பேரும் திருநெல்வேலி மருத்துவக் கல்லூரி மருத்துவமனையில் 6 பேரும் சிகிச்சை பெற்று வருகின்றனர்.
இந்த விபத்துக்கு காரணமான தனியார் பேருந்தின் உரிமத்தை மாவட்ட நிர்வாகம் உடனடியாக ரத்து செய்தது. விபத்து தொடர்பாக இரு தனியார் பேருந்து ஓட்டுநர்கள் மீது இலத்தூர் காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர். இந்த நிலையில் 7 பேரை உயிரைப் பறித்து 66 வரை படுகாயம் அடைய செய்த தனியார் பேருந்து விபத்து குறித்த சிசிடிவி காட்சிகள் தற்போது வெளியாகி பரபரப்பு ஏற்படுத்தி உள்ளது.
இந்நிலையில் அந்த சிசிடிவி காட்சிகளின் படி, தனியார் பேருந்து ஒன்று, முன்னால் சென்ற அரசுப் பேருந்தை வேகமாகவும், அஜாக்கிரதையாகவும் முந்த முயன்றபோது, எதிரே வந்த மற்றொரு தனியார் பேருந்து மீது மோதி விபத்து ஏற்பட்டிருக்கிறது. விபத்துக்குக் காரணமான பேருந்தில் இருந்த சிசிடிவி கேமிராவில் இந்தக் காட்சிகள் பதிவாகியிருந்ததாகச் காவல்துறையினர் கூறியிருக்கிறார்கள்.