இந்திய மகளிர் கிரிக்கெட் அணியின் புதிய கேப்டனாக ஸ்மிருதி மந்தனா தேர்வு செய்யப்பட்டுள்ளார். ஹர்மன்ப்ரீத் கவுர் தனது பதவியிலிருந்து விலகியதைத் தொடர்ந்து, மந்தனா தலைமையில் இந்திய அணி புதிய சாதனைகளை நோக்கி பயணிக்குமென எதிர்பார்க்கப்படுகிறது.
இந்திய மகளிர் கிரிக்கெட்டின் வெற்றிகரமான கேப்டனான ஹர்மன்ப்ரீத் கவுர், தனது பதவியிலிருந்து விலகுவதாக சமீபத்தில் அறிவித்தார். ஜப்பானில் நடைபெற்ற ஆசிய விளையாட்டுப் போட்டிகளில் இந்தியா தங்கப் பதக்கம் வெல்ல உதவியதைத் தொடர்ந்து, ஹர்மன்பிரீத் அப்பொறுப்பிலிருந்து விடைபெற்றார். இந்த முடிவின்படி, ஹர்மன்பிரீத் இந்திய அணிக்காக அனைத்து வகையான கிரிக்கெட் போட்டிகளிலும் கேப்டன் பொறுப்பிலிருந்து விலகுகிறார். ஆனால் ஒரு வீரராக இந்திய அணியில் விளையாடவேண்டும் என விருப்பம் தெரிவித்துள்ளார்.
இந்திய அணிக்காக உலகக்கோப்பையை வென்றுகொடுத்து புதிய வரலாறு படைத்த ஹர்மன்ப்ரீத், எதிர்கால தலைமுறையினரும் வந்து இந்தியாவிற்காக கோப்பை வெல்லமுடியும் என்ற நம்பிக்கையை விதைத்துள்ளார். இந்திய மகளிர் கிரிக்கெட் அணியில் புதிய சகாதப்தத்தை எழுதிய ஹர்மன்ப்ரீத் விலகியதை அடித்து, துணை கேப்டனாக இருந்த ஸ்மிருதி மந்தனா புதிய கேப்டனாக அறிவிக்கப்பட்டுள்ளார்.
ஜிம்பாப்வே தொடருக்கான டி20 மற்றும் ஒருநாள் என இரண்டு வடிவ இந்திய அணிக்கும் ஸ்மிருதி மந்தனா கேப்டனாக அறிவிக்கப்பட்டுள்ளார். மந்தனா தலைமையில் இந்திய அணி டி20 உலகக்கோப்பையை வெல்லவேண்டும் என்ற எதிர்ப்பார்ப்பில் இந்திய ரசிகர்கள் காத்திருக்கின்றனர்.