டெஸ்ட் கிரிக்கெட்டில் முதல் சர்வதேச சதம்.. அசத்திய துருவ் ஜூரெல்!

இந்தியாவிற்கு சுற்றுப்பயணம் செய்திருக்கும் வெஸ்ட் இண்டீஸ் அணி 2 டெஸ்ட் போட்டிகள் கொண்ட தொடரில் விளையாடுகிறது.

முதல் டெஸ்ட் போட்டி அகமதாபாத்தில் உள்ள நரேந்திர மோடி ஸ்டேடியத்தில் தொடங்கி நடைபெற்றுவரும் நிலையில், இந்திய விக்கெட் கீப்பர் துருவ் ஜூரெல் முதல் சர்வதேச சதத்தை பதிவுசெய்து அசத்தியுள்ளார்.

பரபரப்பாக தொடங்கப்பட்ட முதல் போட்டியில் டாஸ் வென்ற வெஸ்ட் இண்டீஸ் அணி முதலில் பேட்டிங் செய்தது. அபாரமான பந்துவீச்சை வெளிப்படுத்திய முகமது சிராஜ் 4 விக்கெட்டுகளும், பும்ரா 3 விக்கெட்டுகளும் வீழ்த்த 162 ரன்களுக்கே அனைத்து விக்கெட்டுகளையும் இழந்து சுருண்டது வெஸ்ட் இண்டீஸ்.

விண்டீஸை தொடர்ந்து முதல் இன்னிங்ஸில் விளையாடிவரும் இந்திய அணி இரண்டாவது நாள் ஆட்ட முடிவில் 286 ரன்கள் முன்னிலையுடன் 448/5 ரன்கள் அடித்துள்ளது.

அபாரமாக பேட்டிங் செய்த கேஎல் ராகுல், துருவ் ஜூரெல், ரவீந்திர ஜடேஜா 3 பேரும் சதமடித்து அசத்தினர். 15 பவுண்டரிகள் 3 சிக்சர்கள் என விளாசிய துருவ் ஜூரெல் தன்னுடைய முதல் டெஸ்ட் சதத்தை பதிவுசெய்து அசத்தினார்.