"வீரதீரத்துடன் போர் புரிகிறது உக்ரைன் ராணுவம்”- பாராட்டிய ரஷ்ய அதிபர் புடின்
“உக்ரைன் நாட்டு நிர்வாகத்தை அந்நாட்டு ராணுவம் எடுத்துக்கொள்ள வேண்டும்” என ரஷ்ய அதிபர் விளாடிமிர் புடின் அறிவுறுத்தியுள்ளார்
ரஷ்ய அரசு தொலைக்காட்சியில் இதுதொடர்பாக உரையாற்றிய புடின், “உக்ரைன் நாட்டு படைகள் அரசு நிர்வாகத்தை கையில் எடுத்துக்கொள்ள வேண்டும் என கேட்டுக்கொள்கிறேன். ராணுவத்தின் வசம் நிர்வாகம் வருவது மூலம், சமரசமான ஒரு முடிவுக்கு வர முடியும். உக்ரைனில் ரஷ்ய படைகள் வீரதீரத்துடன் போர் புரிந்து வருவதை பார்க்க முடிகிறது. அதற்கு என் பாராட்டுகள்” என்று அவர் கூறியுள்ளார்.
இதற்கிடையே சண்டை நிறுத்தம் குறித்த பேச்சுவார்த்தை தொடங்குவதில் தெளிவின்மை நீடிப்பதாக ரஷ்ய அதிபர் மாளிகையான கிரெம்ளின் கூறியுள்ளது. போரை நிறுத்துவது குறித்து உக்ரைனுடன் பேச தங்கள் அதிபர் புடின் ஒரு குழுவை பெலாரஸ் நாட்டின் மின்ஸ்க் நகரத்திற்கு அனுப்ப ஒப்புக்கொண்டதாக தெரிவித்துள்ள உக்ரைன், பேச்சுவார்த்தைக்கான இடம் மற்றும் நேரம் குறித்து விவாதித்துவருவதாக கூறியுள்ளது. ஆனால் உக்ரைனுடன் தற்போது பேசப்போவதாக ரஷ்யா கூறுவதை ஏற்க முடியாது என அமெரிக்கா திட்டவட்டமாக கூறிவிட்டது
