அமெரிக்க முன்னாள் அதிபர் ஜார்ஜ் ஹெர்பர்ட் வாக்கர் புஷ் காலமானார்

அமெரிக்க முன்னாள் அதிபரான ஜார்ஜ் ஹெர்பர்ட் வாக்கர் புஷ் காலமானார்; அவருக்கு வயது 94. 

அமெரிக்காவின் 41-வது அதிபராக கடந்த 1989-ஆம் ஆண்டு முதல் 1993-ஆம் ஆண்டு வரை பதவி வகித்தர் ஜார்ஜ் ஹெர்பர்ட் வாக்கர் புஷ். அத்துடன் 43-வது துணை அதிபராகவும் பதவி வகித்துள்ளார். 94 வயதான இவர் காலமாகிவிட்டதாக தற்போது அறிவிக்கப்பட்டுள்ளது. 

ஜார்ஜ் ஹெர்பர்ட் வாக்கர் புஷ்ஷிற்கு 5 குழந்தைகள் மற்றும் 17 பேரக்குழந்தைகள் உள்ளனர். இவரின் மனைவியான பார்பரா புஷ் தனது 92-வது வயதில் கடந்த ஏப்ரல் மாதம் காலமானார். ஜார்ஜ் ஹெர்பர்ட் வாக்கர் புஷ்ஷின் இறுதிச் சடங்குகள் எப்போது நடைபெறும் என்பது குறித்த விவரம் விரைவில் அறிவிக்கப்படும் என கூறப்படுகிறது.