இங்கிலாந்து மகளிர் கிரிக்கெட் வீராங்கனைகள் கேத்ரின் ப்ரண்ட் மற்றும் நடாலி ஸ்கிவர் இருவரும் திருமணம் செய்து கொண்டனர்.
2017 ஆம் ஆண்டு மகளிர் ஒருநாள் உலகக் கோப்பையை வென்ற இங்கிலாந்து அணியின் வீராங்கனைகளான கேத்ரின் ப்ரண்ட் மற்றும் நடாலி ஸ்கிவர் இருவரும் திருமணம் செய்து கொண்டனர். கேப்டன் ஹீதர் நைட், டேனி வியாட், இசா குஹா, ஜென்னி கன் உள்ளிட்ட இங்கிலாந்து அணியின் தற்போதைய மற்றும் முன்னாள் உறுப்பினர்கள் திருமண விழாவில் கலந்து கொண்டனர்.
“திருமணம் செய்து கொண்ட கேத்ரின் ப்ரண்ட் மற்றும் நாட் ஸ்கிவர் ஆகியோருக்கு எங்கள் அன்பான வாழ்த்துக்கள்” என்று இங்கிலாந்து கிரிக்கெட் வாரியம் அதன் அதிகாரப்பூர்வ ட்விட்டர் பக்கத்தில் வாழ்த்துகளை தெரிவித்துள்ளது. கேத்ரின் ப்ரண்ட் மற்றும் நடாலி ஸ்கிவர் ஆகியோர் 2017 ஆம் ஆண்டு மகளிர் ஒருநாள் உலகக் கோப்பையை வென்ற இங்கிலாந்து அணியின் உறுப்பினர்கள். இருவரும் 2022 மகளிர் ஒருநாள் உலகக் கோப்பையிலும் இடம்பெற்றனர்.
அக்டோபர் 2019 இல் கேத்ரின் ப்ரன்ட் உடனான நிச்சயதார்த்தத்தை நடாலி ஸ்கிவர் அறிவித்தார். இந்த ஜோடி செப்டம்பர் 2020 இல் திருமணம் செய்து கொள்ளவிருந்தனர். ஆனால் கோவிட்-19 தொற்றுநோய் அவர்களின் திருமணத்தைத் தாமதப்படுத்திவிட்டது. தற்போது விளையாட்டில் மட்டுமல்லாமல் மணவாழ்க்கையிலும் இருவரும் இணைந்துள்ளனர்.
