'குரைக்கும் நாய்' சத்தம் | ஏர்பஸ் விமானத்தின் அவசரகால கதவைத் திறக்க முயன்ற பயணி! நடந்தது என்ன?
ஜெட் ப்ளூ விமானத்தில் பயணித்த ஒரு பெண், ஏர்பஸ் A320 ரக விமானத்தின் 'பவர் டிரான்ஸ்ஃபர் யூனிட்' எழுப்பிய சாதாரணமாக ஒலிக்கும் 'குரைக்கும் நாய்' சத்தத்தை, இயந்திரக் கோளாறு என்று தவறாகப் புரிந்துகொண்டு, பீதியில் விமானத்தின் அவசரகால வெளியேறும் கதவைத் திறக்க முயன்றார். அந்தப் பயணி, தனது காதலன் ஒரு விமானி என்று கூறி, விமானத்தில் இருந்து வந்த விசித்திரமான சத்தம் ஏதோவொரு இயந்திர செயலிழப்பு என்று நினைத்துவிட்டார்.
PTU சத்தம் என்றால் என்ன?:
PTU சத்தம் என்பது ஹைட்ராலிக் அமைப்புகளுக்கு இடையே அழுத்தத்தைச் சமநிலைப்படுத்த உதவும் ஒரு அலகு ஆகும். குறிப்பாக, ஒரு இயந்திரம் ஓடாதபோது அல்லது குறைந்த சக்தியுடன் இயங்கும் போது, மற்ற அமைப்புகளுக்கு ஹைட்ராலிக் சக்தியை மாற்றும் போது, இந்த அலகிலிருந்து ஒரு தனித்துவமான சத்தம் எழும். இதுவே விமானத் துறையில் பொதுவாக 'குரைக்கும் நாய்' சத்தம் என்று அழைக்கப்படுகிறது.
இந்தச் சத்தம் முற்றிலும் இயல்பானது மற்றும் ஏ320 ரக விமானங்களின் செயல்பாட்டின் ஒரு பகுதி ஆகும். ஆனால், அந்தப் பெண் இது குறித்து பீதியடைந்து அவசரகாலக் கதவைத் திறக்க முயன்றதால் பரபரப்பு ஏற்பட்டது. இந்தச் சம்பவம் விமானத்தின் உள்ளே சிறிது நேரம் பதற்றத்தை ஏற்படுத்தியது.
