காஸாவில் அமைதியை ஏற்படுத்த ட்ரம்ப்பின் புது நகர்வு.. அரபு நாடுகள் வரவேற்பு!

காஸாவில் அமைதி ஏற்படுத்த ட்ரம்ப் அறிவித்துள்ள புதிய திட்டத்தை அரபு நாடுகள் வரவேற்றுள்ளன. இஸ்ரேலும் இந்த புதிய ஏற்பாட்டுக்கு மகிழ்ச்சி தெரிவித்துள்ளதாக ட்ரம்ப் கூறியுள்ளார். எனினும் ஆயுதத்தை கைவிட தாங்கள் தெரிவித்துள்ள சம்மதம் இஸ்ரேல் படைகள் வெளியேறுவதை பொறுத்தது என்று ஹமாஸ் கூறியுள்ளது.

முன்னதாக காஸாவில் உள்ள ஹமாஸ் மற்றும் பிற கிளர்ச்சிக்குழுக்கள் ஆயுதங்களை கைவிட ஒப்புக்கொண்டதாக அமெரிக்க அதிபர் ட்ரம்ப் தெரிவித்திருந்தார். ஹமாஸ் போர் பாதையிலிருந்து வெளியேறுவதால் காஸா நிர்வாகத்தை பாலஸ்தீனிய குழு ஏற்கும் என்றும் இதைத்தொடர்ந்து இஸ்ரேல் ராணுவமும் அங்கிருந்து வெளியேறும் என்றும் ட்ரம்ப் தெரிவித்திருந்தார்.