நான் முதலமைச்சராக வாய்ப்பு உள்ளது: தங்கத் தமிழ்செல்வன்

தான் முதலமைச்சராக வாய்ப்புள்ளதாக டிடிவி தினகரன் ஆதரவாளர் தங்கத் தமிழ்செல்வன் தெரிவித்துள்ளார். 

ராமநாதபுரத்தில் செய்தியாளர்களிடம் பேசிய அவர், “18 எம்எல்ஏக்களில் ஒருவரை முதலமைச்சர் ஆக்குவேன். அந்த 6 துரோகி அமைச்சர்கள் மட்டும் வெளியில் சென்றுவிட்டால் போதும். மற்ற எம்.எல்.ஏக்கள் ஆட்சியை நடத்த 3 வருடம் ஒத்துழைப்பு தருவேன் என டிடிவி தினகரன் நல்ல கருத்தை தான் கூறியுள்ளார். நான் முதலமைச்சராகவும் வாய்ப்புள்ளது. பன்னீர்செல்வம் துணை முதலமைச்சர் ஆகும் போது, எடப்பாடி பழனிசாமி முதலமைச்சராகும் போது நான் முதலமைச்சர் ஆவதில் என்ன தவறு இருக்கிறது” என்று கூறினார்.