நடப்பு ஐபிஎல் சீசனின் இருபதாவது லீக் ஆட்டத்தில் சன்ரைசர்ஸ் ஹைதராபாத் மற்றும் டெல்லி கேபிடல்ஸ் அணிகள் விளையாடுகின்றன. சென்னை - சேப்பாக்கம் மைதானத்தில் நடைபெறும் இந்த போட்டியில் டாஸ் வென்ற டெல்லி அணியின் கேப்டன் ரிஷப் பண்ட் பேட்டிங்கை தேர்வு செய்துள்ளார். இதனால் அணி முதலில் ஹைதராபாத் அணி பந்து வீசுகிறது.
இரு அணிகளும் ஐபிஎல் அரங்கில் இதுவரை 18 போட்டிகளில் விளையாடி உள்ளன. அதில் ஹைதராபாத் அணி 11 போட்டிகளிலும், டெல்லி 7 போட்டிகளிலும் வெற்றி பெற்றுள்ளன. டெல்லி அணி நடப்பு சீசனில் நான்கு போட்டிகளில் விளையாடி மூன்றில் வெற்றி பெற்றுள்ளது. ஹைதராபாத் அணி நான்கு போட்டிகளில் விளையாடி ஒரே ஒரு போட்டியில் மட்டுமே வென்றுள்ளது.
சென்னை - சேப்பாக்கம் மைதானத்தில் இந்த போட்டியுடன் நடப்பு சீசனுக்கான போட்டிகள் விளையாடுவது முடிவடைகிறது. அடுத்ததாக அணிகள் அகமதாபாத் மற்றும் டெல்லி மைதானத்தில் விளையாட உள்ளன.
