மறைந்த இரண்டாம் எலிசபெத் ராணியின் மகன் மூன்றாம் சார்லஸ் பிரிட்டனின் மன்னராக பொறுப்பேற்றிருக்கிறார். ஆனால் அரசக் குடும்பத்தின் எதிர்காலம் குறித்த பல தகவல்கள் தொடர்ந்து வெளியாகி மக்களிடையே சலசலப்பை தொற்ற வைத்திருக்கிறது.
அதன்படி மன்னர் சார்லஸின் ஆட்சி சில காலமே நீடிக்கும் என்றும் இளவரசர்களான வில்லியம் மற்றும் ஹாரியே பிரிட்டனை ஆட்சி செய்வார்கள் என்றும் நோஸ்ட்ராடாஸ் தெரிவித்ததாக அண்மைக் காலமாக சமூக வலைதளங்களில் பரவிக் கொண்டிருக்கிறது.
இப்படி இருக்கையில், இளவரசர் வில்லியமின் மகன் பிரின்ஸ் ஜார்ஜ் தனது பள்ளி நண்பர்களிடம் தன்னுடைய அப்பா ராஜாவாக போகிறார் என்றும் அதை பொறுத்திருந்து பாருங்கள் என்றும் காட்டமாக பேசியிருப்பதாக தி நியூ ராயல்ஸ் என்ற புத்தகத்தில் கேட்டி நிக்கோல்ஸ் எழுதியிருப்பது தற்போது வெளியாகியுள்ளது.
நிக்கோல்ஸின் கூற்றுப்படி, பள்ளியின் மைதானத்தில் சக மாணவர்களுடன் விளையாடிக் கொண்டிருந்தபோது இளவரசர் ஜார்ஜ் சண்டையிட்டிருக்கிறாராம். அப்போது நண்பர்களுக்கு பதிலடி கொடுக்கும் வகையில் “என் அப்பா மன்னராக வருவார். பொறுத்திருந்து பாருங்கள்” எனக் கூறியிருக்கிறார். அதே சமயத்தில் தானும் ஒருநாள் ராஜாவாக ஆவார் என்பதையும் இளவரசர் ஜார்ஜ் உணர்ந்திருக்கிறார்.
இருப்பினும், இளவரசர் வில்லியமும், இளவரசி கேட்-ம் தங்கள் குழந்தைகளை, குறிப்பாக இளவரசர் ஜார்ஜ், அவர் யார் மற்றும் அவர் பெறும் பங்கு பற்றிய விழிப்புணர்வுடன் வளர்க்கிறார்கள், ஆனால் அவர்கள் கடமை உணர்வுடன் அவர்களை எடைபோட விரும்பவில்லை என்று நிக்கோல்ஸ் குறிப்பிட்டிருக்கிறார்.
இதைத் தொடர்ந்து, “மன்னராக அரியணையில் அமர்ந்த மூன்றாம் சார்லஸுக்கு பிறகு, இளவரசர் வில்லியம் (40) பொறுப்பேற்பார், இது இளவரசர் ஜார்ஜை அரியணைக்கான வரிசையில் இரண்டாவதாக ஆக்குகிறது. 9 வயது சிறுவனிடம் அவனது அரச கடமைகள் பற்றி எப்போது பேசப்பட்டது என்பது தெளிவாகத் தெரியவில்லை, ஆனால் ஜார்ஜின் ஏழாவது பிறந்தநாளுக்குப் பிறகு இளவரசர் வில்லியமும் கேட் மிடில்டனும் முதலில் அரட்டையடித்ததாக முதலில் நம்பப்படுகிறது.” என கேட்டி நிக்கோல்ஸ் தெரிவித்திருக்கிறார்.
