விடுதலை சிறுத்தைகள் கட்சிக்கு பானை சின்னம் ஒதுக்கீடு

திமுக கூட்டணியில் இடம்பெற்றுள்ள விடுதலை சிறுத்தைகள் கட்சிக்கு தேர்தல் ஆணையம் பானை சின்னத்தை ஒதுக்கியுள்ளது.

வரும் சட்டப்பேரவை தேர்தலில் திமுக கூட்டணியில் விடுதலை சிறுத்தைகள் கட்சிக்கு 6 தொகுதிகள் ஒதுக்கீடு செய்யப்பட்டுள்ளன. அதன்படி காட்டுமன்னார் கோவில் - சிந்தனை செல்வன், வானூர் - வன்னியரசு, நாகை - ஆளூர் ஷா நவாஸ், செய்யூர் - பனையூர் பாபு, திருப்போரூர் - எஸ்.எஸ்.பாலாஜி, அரக்கோணம் - கவுதம சன்னா ஆகியோர் விசிக சாரில் வேட்பாளர்களாக களமிறக்கப்பட்டுள்ளனர்.

இதைத்தொடர்ந்து விடுதலை சிறுத்தைகள் கட்சி தனிச்சின்னத்தில்தான் போட்டியிடும் என அக்கட்சியின் தலைவர் திருமாவளவன் ஏற்கெனவே தெரிவித்திருந்தார். அதன்படி தற்போது விடுதலை சிறுத்தைகள் கட்சிக்கு பானை சின்னத்தை தேர்தல் ஆணையம் ஒதுக்கீடு செய்துள்ளது.