சட்டப்பேரவை இடைத்தேர்தலில் வெற்றி பெற்ற அதிமுகவைச் சேர்ந்த 9 பேரும் எம்.எல்.ஏ.க்களாக இன்று பதவியேற்க உள்ளனர்.
தமிழகத்தில் காலியாக இருந்த 22 சட்டப்பேரவைத் தொகுதிகளில் 18 தொகுதிகளுக்கு கடந்த மாதம் 18-ம் தேதியும், 4 தொகுதிகளுக்கு கடந்த 19-ம் தேதியும் வாக்குப்பதிவு நடத்தப்பட்டது. இதில் பதிவான வாக்குகள் கடந்த 23 ஆம் தேதி மக்களவை தேர்தலுடன் சேர்த்து எண்ணப்பட்டன. இதில் அதிமுக 9 இடங்களிலும் திமுக 13 இடங்களிலும் வெற்றி பெற்றன.
அதிமுக சோளிங்கர், பாப்பிரெட்டிபட்டி, அரூர், நிலக்கோட்டை, மானாமதுரை, சாத்தூர், பரமக்குடி, விளாத்திக்குளம், சூலூர் ஆகிய 9 இடங்களிலும் வெற்றி பெற்றன.
திமுகவைச் சேர்ந்த 13 பேரும் அக்கட்சித் தலைவர் மு.க.ஸ்டாலின் முன்னிலையில் எம்.எல்.ஏ.க்களாக நேற்று பதவியேற்றுக் கொண்டனர். இந்த நிலையில் அதிமுகவைச் சேர்ந்த 9 பேரும் எம்.எல்.ஏ.க்களாக சென்னை தலைமைச் செயலகத்தில் இன்று பதவியேற்கின்றனர்
இன்று காலை 9 மணிக்கு சென்னை தலைமைச் செயலகத்தில் உள்ள பேரவைத் தலைவர் தனபால் அறையில், அவர் முன்னிலையில் பதவியேற்கவுள்ளன. இந்த பதவியேற்பு விழாவில் முதலமைச்சர் பழனிசாமி, துணை முதலமைச்சர் பன்னீர்செல்வம் ஆகியோர் பங்கேற்கவுள்ளனர்
