திமுகவின் விசுவாசப் பாட்டி: ஸ்டாலின் வீட்டில் தேநீர் விருந்து!

திமுக கட்சியை சேர்ந்த மூதாட்டிக்கு அக்கட்சியின் செயல்தலைவர் மு.க.ஸ்டாலின் வீட்டில் தேநீர் விருந்து அளிக்கப்பட்டது.

ஈரோட்டை சேர்ந்த 74 வயது மூதாட்டி பாப்பாத்தி, திமுகவின் நிர்வாகி. இவர் திமுகவின் தலைவர் கருணாநிதி குறித்தும், ஸ்டாலின்
குறித்தும் கொடுத்த பேட்டி அவரது கட்சி விசுவாசத்தை காட்டும் வகையில் இருந்தது. இது சமூக வலைத்தளங்களில் வேகமாக
பரவியது. இந்நிலையில் ஸ்டாலின் நடத்தி வரும் மாவட்ட வாரியான கள ஆய்வில் இந்த விவரம் பகிரப்பட்டுள்ளது.

இதையடுத்து அந்த மூதாட்டியை சென்னைக்கு அழைத்த ஸ்டாலின், அவரது ஆழ்வார்ப்பேட்டை இல்லத்தில் குடும்பத்துடன் தேநீர்
விருந்து அளித்தார். இந்த நாளை தன் வாழ்நாளில் மறக்க முடியாது என்கிறார் பாப்பாத்தி. அத்துடன் திமுக தலைவர் தன்னிடம் பேசியதாக கூறும் மூதாட்டி, தான் எப்போது ஊருக்கு செல்வது குறித்து ஸ்டாலினிடம் கருணாநிதி கேட்டதாக தெரிவித்தார். மேலும் பத்திரமாக வீட்டுக்கு போங்க என்று கருணாநிதி சொன்னதாகவும் நெகிழ்ச்சியுடன் பாப்பாத்தி கூறினார்.