புதுச்சேரி பாஜக வேட்பாளர்கள் பட்டியல் வெளியீடு - மண்ணாடிப்பட்டில் நமச்சிவாயம் போட்டி

புதுச்சேரி சட்டமன்ற தேர்தலில் போட்டியிடும் 9 தொகுதிகளுக்கான வேட்பாளர்கள் பட்டியலை பாஜக வெளியிட்டுள்ளது.

காலாப்பட்டு - கல்யாணசுந்தரம், காமராஜ்நகர் - ஜான்குமார், நெல்லித்தோப்பு - ரிச்சர்ட் , ஊசுடு - சாய் ஜெ.சரவணகுமார், மணவெளி - செல்வம், திருநள்ளாறு - ராஜசேகர், நிரவி - மனோகர் ஆகியோர் போட்டியிடுகின்றனர்.

லாஸ்பேட்டை தொகுதியில் மாநில பாஜக தலைவர் சாமிநாதன் போட்டியிடுகிறார். அதேபோல் காங்கிரஸில் இருந்து விலகி பாஜகவில் இணைந்த நிலையில் மண்ணாடிப்பட்டு தொகுதியில் பாஜக வேட்பாளராக நமச்சிவாயம் அறிவிக்கப்பட்டுள்ளார். இந்த தொகுதியில் திமுக சார்பில் கிருஷ்ணன் களம்காண்கிறார்.