தகுதிநீக்கத்தை எதிர்த்து 18 எம்.எல்.ஏக்களும் உயர்நீதிமன்றத்தில் வழக்கு

அரசியல் சட்டத்தின் அட்டவணை 10-ன் கீழ், கட்சித் தாவல் தடை சட்டத்தின்படி பதவி நீக்கம் செய்யப்பட்ட 18 எம்எல்ஏக்கள், எதிர்த்து சென்னை உயர்நீதிமன்றத்தில் மனு தாக்கல் செய்துள்ளனர்.

தேர்ந்தெடுக்கப்பட்ட அதிமுகவில் இருந்து விலகவோ, வேறு கட்சியில் சேரவோ இல்லை என்ற நிலையில், கட்சித் தாவல் தடை சட்டம் பொருந்தாது என்று மனுவில் அவர்கள் குறிப்பிட்டுள்ளனர். இந்த மனுவை நாளைக்கு திமுகவின் வழக்கு விசாரணைக்கு வரும்போது சேர்த்து விசாரணைக்கு எடுத்துக் கொள்ள உயர்நீதிமன்றம் ஒப்புக் கொண்டுள்ளதாக தகவல் வெளியாகியுள்ளது. முதலமைச்சருக்கு ஆதரவை விலக்கிக் கொள்வதாக ஆளுநரிடம் கடிதம் அளித்த தினகரன் ஆதரவு 18 எம்எல்ஏக்களை தகுதிநீக்கம் செய்து சபாநாயகர் தனபால் நேற்று உத்தரவிட்டார்.