இந்திய ஸ்மார்ட் போன் சந்தையில் ஓப்போ நிறுவனத்தின் புதுவரவான ரெனோ 5 புரோ 5ஜி போன் விரைவில் வெளியாகும் என எதிர்பார்க்கப்படுகிறது. அண்மையில் சீனாவில் இந்த போன் அறிமுகமாகி இருந்தது. இந்திய தர நிர்ணய ஆணையத்தின் இணையதள பக்கத்தில் இந்த போனின் மாடல் நெம்பர் பட்டியலிடப்பட்டுள்ளதை வைத்து இந்த போன் விரைவில் இந்தியாவில் வெளியாக உள்ளது உறுதி செய்யப்பட்டுள்ளது. வரும் புத்தாண்டில் இந்த போன் இந்தியாவில் சந்தைப்படுத்தப்பட வாய்ப்புள்ளதாக தெரிகிறது.
“துல்லியமான வீடியோக்களை படம் பிடிக்க உதவும் ஸ்மார்ட் போன் விரைவில். நிறைய பேசலாம். நிறைய தெரிந்து கொள்ளலாம்” என இந்த 5ஜி போனின் வருகை குறித்து மறைமுகமாக சொல்லும் வகையில் ட்வீட் செய்திருந்தார் ஓப்போ இந்தியாவின் ஆய்வு மற்றும் தொழில்நுட்ப மேம்பாட்டு தலைவர் தஸ்லீம் ஆரீப்.
ஆண்டராய்ட் 11இல் இயங்கும் இந்த ரெனோ 5 புரோ 5ஜி போனில் 8ஜிபி முதல் 12ஜிபி வரை ரேம் இருக்கலாம் என தெரிகிறது. 4350 மில்லியாம்ப் பேட்டரியோடு ஃபாஸ்ட் சார்ஜிங் வசதி கொடுக்கப்பட்டுள்ளது. ரியர் சைடில் நான்கு கேமிராவும், முன்பக்கத்தில் 32 மெகா பிக்சல் கொண்ட செல்பி கேமிராவும் இடம் பெற்றுள்ளது. 128ஜிபி மற்றும் 256ஜிபி இன்டெர்னல் ஸ்டோரேஜ் இதில் இருப்பதாக தெரிகிறது.
