மோட்டோ ஜி வரிசையில் மோட்டோ ஜி5-க்கு அடுத்து, மூன்றாவது சீரிஸான ஜி5 எஸ் பிளஸ் நாளை அறிமுகப்படுத்தப்பட உள்ளது.
மொபைல் சந்தையில் பல்வேறு எதிர்பார்ப்புகளை உருவாக்கிய இந்த ஸ்மார்ட்போனில் இரட்டை பின்புற கேமரா, 3 ஜிபி ரேம் மொபைலில் 32 ஜிபி மெமரியும்; 4 ஜிபி ரேம் கொண்ட மொபைலில் 64 ஜிபி இன்பில்ட் மெமரியும் கொடுக்கப்பட்டுள்ளன. 128 ஜிபி திறன் கொண்ட மெமரி கார்டையும் பயன்படுத்திக் கொள்ள முடியும். 3 ஜிபி ரேம், 4 ஜிபி ரேம் என இரு வகைகளில் இந்த மொபைல் அறிமுகமாகிறது.
பிரத்தியேகமாக அமேசான் ஆன்லைன் தளத்தில் நாளை முற்பகல் 12:00 மணிக்கு விற்பனை தொடங்க உள்ளதாக அறிவிக்கப்பட்டுள்ளது.
5.5 இன்ச் 1080 தொடுதிரை கொண்ட இந்த மொபைலில், 13 மெகாபிக்சல் கொண்ட இரண்டு லென்ஸ் ரியர் கேமராக்கள், 8 மெகா பிக்ஸல் முன் பக்க ஃப்ளாஷ் கொண்ட கேமரா, முன் பக்க கைரேகை ஸ்கேனர், ஆன்ட்ராய்டு 7.1.1 நௌகட் இயங்குதளம், அக்டோ - கோர் (Octa-core) குவால்காம், ஸ்னாப் 620 செயலி, 3000 எம்.ஏ.ஹெச் திறன் கொண்ட பேட்டரி உள்ளிட்ட பல்வேறு சிறப்பம்சங்கள் இந்த மொபைலில் உள்ளன. நாளை இந்த மொபைல் விற்பனைக்கு வரவுள்ள நிலையில் இன்னும் விலை அறிவிக்கப்படவில்லை.
