NDA கூட்டணியில் மீண்டும் அதிமுகவை இணைப்பதற்கான முயற்சியில் பாஜகவின் பல தலைவர்கள் களமிறங்கியுள்ளதாக தகவல்கள் வெளியாகி உள்ளன. முதல்கட்டமாக அசாம் மாநில முதலமைச்சர் ஹிமாந்த பிஸ்வா சர்மா, எடப்பாடி பழனிசாமி தரப்பிடம் கோவையில் உள்ள தொழிலதிபர் மூலம் பேச முயற்சித்து வருவதாகவும், ஆனால் தற்போது வரை அதிமுகவிடமிருந்து எந்தவிதமான நேர்மறையான பதிலும் வரவில்லை எனத் தகவல்கள் தெரிவிக்கின்றன.
கடந்த மூன்று நாட்களுக்கு முன்பு வேலூரில் நடைபெற்ற அசாம் பவன் திறப்பு விழாவிற்கு வருகை தந்த அசாம் முதல்வர், கோவையில் உள்ள தொழிலதிபர் மூலம் அதிமுக தலைவர்களுக்கு தூது விட்டதாக தகவல்கள் கசிந்துள்ளன.
