புதுக்கோட்டை மாவட்டம் விராலிமலையில் முன்னாள் சுகாதாரத்துறை அமைச்சரும் தற்போதைய சட்டமன்ற உறுப்பினருமான விஜயபாஸ்கர் செய்தியாளர்களை சந்தித்துப் பேசினார். அப்போது அவர் கூறுகையில், ''தற்போது இரண்டாம் கட்ட கொரோனா பாதிப்பு குறைந்து வந்தாலும் மாவட்டம்தோறும் கொரோனாவுக்கு பிந்தைய மறு சிகிச்சை மையங்களை அரசு தொடங்க நடவடிக்கை எடுக்க வேண்டும். அப்போதுதான் கொரோனா பாதிப்பில் இருந்து மீண்டவர்கள் கருப்பு பூஞ்சை, நுரையீரல், நீரிழிவு, இருதயம் சம்பந்தப்பட்ட பாதிப்பிலிருந்து தப்ப முடியும். இதனை உடனடியாக அரசு செய்ய வேண்டும்.
