புழல் சிறையில் கைதிகளிடமிருந்து டிவி, வாசனை செண்ட், டிவி, பிரியாணி அரிசி உள்ளிட்ட பொருட்கள் பறிமுதல் செய்யப்பட்டன.
புழல் சிறையின் முதல் வகுப்பில் உள்ள கைதிகள் உல்லாச வாழ்க்கை வாழ்வதாகா குற்றச்சாட்டுகள் எழுந்தன. அவர்களிடம் பணம் பெற்றுக்கொண்டு சிறை அதிகாரிகள் இந்த வசதிகளை ஏற்படுத்தி தருவதாகவும் புகார் எழுந்தது. இதையடுத்து புழல் சிறையில் அதிரடி சோதனை நடத்தப்பட்டு, செல்போன்கள் மற்றும் டிவி உள்ளிட்ட பொருட்கள் பறிமுதல் செய்யப்பட்டன. அத்துடன் சிறைத்துறை ஏடிஜிபி உத்தரவின் பேரில், புழல் சிறையிலிருந்து 17 வார்டர்கள் இடமாற்றம் செய்யப்பட்டனர். அதுமட்டுமின்றி உழல், பாளையங்கோட்டை, கடலூர், சேலம், கோவை உள்ளிட்ட சிறைகளின் அதிகாரிகளும் அதிரடியாக இடமாற்றம் அடைந்தனர்.
இந்நிலையில் புழல் சிறை எஸ்பி ருக்மணி தலைமையில், நேற்று உயர்மட்ட பாதுகாப்பு பிரிவில் இருக்கும் கைதிகளின் அறைகளில் அதிரடி சோதனை நடத்தப்பட்டது. இதில் கைதிகளின் அறையிலிருந்த டிவிக்கள், வாசனை செண்ட், மின் அடுப்புகள், பிரியாணி அரிசி உள்ளிட்ட பொருட்கள் பறிமுதல் செய்யப்பட்டன.
