கடலூர், நாகையில் பெட்ரோலிய முதலீட்டு மண்டலம்: அரசாணை ரத்து
கடலூர், நாகையில் பெட்ரோலிய முதலீட்டு மண்டலம் அமைக்க பிறப்பித்த அரசாணையை தமிழக அரசு ரத்து செய்துள்ளது.
கடலூர், நாகையில் பெட்ரோலிய முதலீட்டு மண்டலம் அமைப்பது தொடர்பான அரசாணையை தமிழக அரசு 2017-ஆம் ஆண்டு ஜூலை 19-ல் பிறப்பித்தது. அதன்படி கடலூர், நாகை மாவட்டங்களில் உள்ள 45 கிராமங்களில் 57,500 ஏக்கர் நிலத்தை பெட்ரோலிய ரசாயனங்கள் மற்றும் பெட்ரோலிய ரசாயனப் பொருட்கள் முதலீட்டு மண்டலமாக அறிவித்தது. இதற்கு டெல்டா மாவட்டங்களில் கடும் எதிர்ப்பும் கிளம்பியது. இந்நிலையில் கடலூர், நாகையில் பெட்ரோலிய முதலீட்டு மண்டலம் அமைக்க பிறப்பித்த அரசாணையை தமிழக அரசு ரத்து செய்துள்ளது.
முன்னதாக காவிரிப் படுகை மாவட்டங்களை பாதுகாக்கப்பட்ட வேளாண் மண்டலங்களாக தமிழக அரசு அறிவித்தது. ஆனாலும் ஏற்கெனவே பிறப்பிக்கப்பட்ட பெட்ரோலிய முதலீட்டு மண்டலம் தொடர்பான அரசாணை குறித்து அரசு ஏதும் தெரிவிக்கவில்லை. பாதுகாக்கப்பட்ட வேளாண்மண்டல அறிவிப்பு முழு பலனைத் தர வேண்டுமென்றால் பெட்ரோலிய முதலீட்டு மண்டல அறிவிப்பையும் ரத்து செய்ய வேண்டுமென சமூக ஆர்வலர்களும் விவசாயிகளும் கோரிக்கை விடுத்தனர். இந்நிலையில் கடலூர், நாகையில் பெட்ரோலிய முதலீட்டு மண்டலம் அமைக்க பிறப்பித்த அரசாணையை தமிழக அரசு ரத்து செய்துள்ளது.
