திருப்பதியில் நாளை முதல் ஜனவரி மாதத்திற்கான ரூ.300 தரிசன டிக்கெட் முன்பதிவு

ஜனவரி மாதத்திற்கான 300 ரூபாய் தரிசன டிக்கெட்டின் ஆன்லைன் முன்பதிவு நாளை முதல் தொடங்க உள்ளதாக திருமலை-திருப்பதி தேவஸ்தானம் தெரிவித்துள்ளது.

இதன்படி நாள் ஒன்றுக்கு 20 ஆயிரம் டிக்கெட் வீதம் 6 லட்சத்து 20 ஆயிரம் டிக்கெட்டுகள் வழங்கப்படும் என்றும் 24-ஆம் தேதி காலை 9 மணி முதல் 300 ரூபாய் சிறப்பு தரிசன டிக்கெட்டுகள் ஆன்லைனில் கிடைக்கும் என்றும் தேவஸ்தானம் தெரிவித்துள்ளது. ஜனவரி மாதத்திற்கான சர்வதர்ஷன் டோக்கன்கள் 5 ஆயிரம் நேரடியாகவும், 5 ஆயிரம் ஆன்லைனிலும் வழங்கப்படும் எனவும் தெரிவிக்கப்பட்டுள்ளது. இந்த டோக்கன்கள் 25-ம் தேதி காலை 9 மணி முதல் ஆன்லைனில் கிடைக்கும் எனவும் தெரிவிக்கப்பட்டுள்ளது.