கடந்த ஆண்டை விட, நடப்பாண்டு மது விற்பனை மூலம் ஆயிரத்து 149 கோடி ரூபாய் கூடுதலாக தமிழக அரசுக்கு வருவாய் கிடைத்துள்ளதாக சட்டப்பேரவையில் தெரிவிக்கப்பட்டுள்ளது.
மதுவிலக்கு மற்றும் ஆயத் தீர்வை கொள்கை விளக்க குறிப்பில், மது விற்பனையில்லாத நாட்கள் 5 நாட்களில் இருந்து 8 நாட்களாக உயர்த்தப்பட்டுள்ளதாகவும், நாடாளுமன்ற, சட்டமன்ற, உள்ளாட்சித் தேர்தல் தொடர்புடைய நாட்கள் மது விற்பனையில்லாத நாட்களாகவே அறிவிக்கப்பட்டுள்ளதாகவும் தெரிவிக்கப்பட்டுள்ளது.
2016-2017ம் ஆண்டில் மது விற்பனை மூலமாக அரசுக்கு வருவாய் மற்றும் மதிப்புக் கூட்டு வரி மூலம் 26 ஆயிரத்து 995 கோடி ரூபாய் வருவாய் கிடைத்துள்ளதாகவும், அது, கடந்த ஆண்டை ஒப்பிடும்போது ஆயிரத்து 149 கோடி ரூபாய் கூடுதலாக கிடைத்துள்ளதாகவும் தெரிவிக்கப்பட்டுள்ளது.
