தேசியக்கொடி அவமதிப்பு புகார்; வருத்தம் தெரிவித்தார் எஸ்.வி.சேகர்!

 எதிர்காலத்தில் தேசியக் கொடியை அவமதிக்கும் வகையில் பேச மாட்டேன் என எஸ்.வி.சேகர் உறுதியளித்துள்ளார்.

 

அதற்குப் பதிலளித்த எஸ்.வி.சேகர், காவியைக் களங்கம் எனக் குறிப்பிடும் தமிழக முதல்வர், களங்கமான தேசியக் கொடியைத் தான் ஆகஸ்டு 15-ம் தேதி ஏற்றப்போகிறாரா? எனவும், தேசியக் கொடியில் உள்ள காவியை வெட்டிவிட்டு வெள்ளை மற்றும் பச்சை நிறம் கொண்ட கொடியை ஏற்கிறாரா? என்றும் பேசி வீடியோ வெளியிட்டார். மேலும், மூன்று வர்ணங்கள் குறித்த புதுவிளக்கம் ஒன்றையும் எஸ்.வி.சேகர் கூறினார்.

 

தேசியக் கொடியை அவமதித்தும், தமிழக முதல்வரின் பெயருக்குக் களங்கம் விளைவிக்கும் வகையிலும் பேசி சமூக வலைதளங்களில் வீடியோ வெளியிட்ட எஸ்.வி.சேகருக்கு எதிராக, சென்னை நுங்கம்பாக்கத்தைச் சேர்ந்த ராஜரத்தினம் என்பவர் சென்னை காவல் ஆணையர் அலுவலகத்தில் புகார் அளித்தார்.

 

 

 

 

இந்நிலையில், தேசியக் கொடியை அவமதித்து தொடர்பான முன் ஜாமீன் வழக்கில் வருத்தம் தெரிவித்து சென்னை உயர் நீதிமன்றத்தில் எஸ்.வி.சேகர் மனுத் தாக்கல் செய்துள்ளார். எதிர்காலத்தில் தேசியக் கொடியை அவமதிக்கும் வகையில் பேச மாட்டேன் எனவும் எஸ்.வி.சேகர் உறுதியளித்துள்ளார். இதையடுத்து முன் ஜாமீன் வழக்கு விசாரணை செப்டம்பர் 7ஆம் தேதிக்கு தள்ளிவைக்கப்பட்டது. அதுவரை எஸ்.வி.சேகரை கைது செய்யக்கூடாது என காவல்துறைக்கு நீதிபதி உத்தரவிட்டுள்ளார்.