தமிழகத்தில் வாக்குப்பதிவு நடைபெறும் நாளான 19ம் தேதி கூட்ட நெரிசலை தடுக்கும் விதமாக, தாம்பரம் - கன்னியாகுமரி - எழும்பூர் - கோவை இடையே சிறப்பு ரயில் இயக்க ஏற்பாடுகள் செய்யப்பட்டுள்ளன.
அதன்படி ஏப்ரல் 18, 20 ஆகிய தேதிகளில் தாம்பரம் - கன்யாகுமரி அதிவேக சிறப்பு ரயில் மாலை 4.45-க்கு புறப்பட்டு மறுநாள் காலை 4.40-க்கு கன்னியாகுமரியை சென்றடையும்.
மறு மாற்றமாக ஏப்ரல் 19 & 21 ஆகிய தேதிகளில் கன்னியாகுமரி தாம்பரம் அதிவிரைவு சிறப்பு ரயில் இரவு 8.30-க்கு புறப்பட்டு மறுநாள் காலை 9.20 க்கு தாம்பரத்தை அடையும் என தெற்கு ரயில்வே தெரிவித்துள்ளது.
செங்கல்பட்டு - விழுப்புரம் வழியாக நாகர்கோவிலை சென்றடையும் ரயிலில் இரண்டு அடுக்கு குளிர்சாதன பெட்டிகளும் 19 பொது பெட்டிகளும் இருக்கும் என தெரிவிக்கப்பட்டுள்ளது.
இதே போல் ஏப்ரல் 18 & 20 தேதிகளில் சென்னை எழும்பூர் கோவை சிறப்பு ரயில் மாலை 4.25-க்கு சென்னையிலிருந்து புறப்பட்டு மறுநாள் காலை 8.20க்கு கோவையை சென்றடையும்.
மறு மார்க்கமாக ஏப்ரல் 19 & 21 ஆகிய தேதிகளில் கோவையிலிருந்து இரவு 8.40-க்கு புறப்பட்டு மறுநாள் காலை 10.05-க்கு சென்னை எழும்பூரை வந்தடையும் என தெற்கு ரயில்வே தெரிவித்துள்ளது.
