நேற்று இரவு நெல்லை ரயில் நிலையத்தில் சென்னை செல்வதற்காக ஏராளமானோர் ரயிலுக்காக காத்திருந்தனர். நெல்லையில் இருந்து சென்னை செல்லும் அந்தியோதயா விரைவு ரயில், நெல்லை எக்ஸ்பிரஸ், கன்னியாகுமரி விரைவு ரயில், அனந்தபுரி எக்ஸ்பிரஸ் என அனைத்து ரயில்களிலும் பயணிகள் கூட்டம் அலைமோதியது.
முன்பதிவு இல்லாத பெட்டிகளில் பொதுமக்கள் முந்தியடித்துக் கொண்டு ஏறினர். இருக்கைகள் கிடைக்காமல் பலரும் கழிவறை செல்லும் பாதை, படிக்கட்டுகளில் நின்றுக் கொண்டே பயணம் செய்தனர்.
இதுபோன்று தென்மாவட்டங்களில் இருந்து சென்னை செல்லும் அனைத்து பேருந்துகளிலும் பயணிகள் கூட்டம் நிரம்பி வழிந்தது. கூட்ட நெரிசலை தவிர்க்க இதுபோன்ற நேரங்களில் கூடுதல் பேருந்துகள், ரயில்களை இயக்க வேண்டுமென பொதுமக்கள் கோரிக்கை விடுத்தனர்.
