சென்னையில் காற்றின் தரம் தற்போது டெல்லியை விட மோசமாகி உள்ளதாக கூறப்படுகிறது.
தலைநகர் டெல்லியை அச்சுறுத்தி வரும் காற்று மாசு, தற்போது சென்னையையும் கடுமையாக பாதிக்க தொடங்கியுள்ளது. காலை நிலவரப்படி டெல்லியில் காற்றின் தரக்குறியீடு 230 ஆக உள்ள நிலையில், சென்னையில் காற்று மாசு 256 ஆக இருந்துள்ளது.
சென்னை வேளச்சேரி, ஆலந்தூர், மணலி உள்ளிட்ட 4 இடங்களில் காற்றின் தரத்தை மத்திய மாசுக் கட்டுப்பாட்டு வாரியம் அறிவித்துள்ளது. காலை நிலவரப்படி வேளச்சேரியில் காற்றின் தரக்குறியீடு 256 ஆகவும், ஆலந்தூரில் 251ஆகவும் உள்ளது. இது காற்று தரமற்ற நிலையில் இருப்பதை குறிக்கும்.
