நாளை காலை 10.30 மணிக்கு சசிகலா விடுதலையாகிறார்.
சொத்துக்குவிப்பு வழக்கில் குற்றம்சாட்டப்பட்ட சசிகலா பெங்களூரு பரப்பன அக்ரஹாரா சிறையில் தண்டனை அனுபவித்து வருகிறார். இதனிடையே அவருக்கு கொரோனாத் தொற்று ஏற்பட்டதையடுத்து கடந்த 20-ஆம் தேதி விக்டோரியா மருத்துவமனையில் அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வந்த நிலையில், மருத்துவமனை சார்பில் அவரது உடல்நிலை சீராக இருப்பதாக தகவல் வெளியானது.
இந்நிலையில் நாளை விடுதலையாக உள்ள சசிகலாவிடம் காலை 9 மணிக்கு காவல்துறையினர் ஆவணங்களில் கையொப்பம் வாங்குகின்றனர். அதன் பின்னர் 10.30 மணிக்கு விடுதலை செய்யப்பட இருக்கிறார்.
