SBIயில் 13,735 காலியிடங்கள்: தமிழ்நாட்டில் 336..!

நாடு முழுவதும் உள்ள SBI ல் JUNIOR ASSOCIATES (CUSTOMER SUPPORT & SALES) வாடிக்கையாளர் ஆதரவு மற்றும் விற்பனை பிரிவின் ஜூனியர் அசோசியேட்ஸ் பதவிக்கான மொத்த காலியப்பணியிடங்கள் 13,735 இருப்பதாக அறிவிப்பு வெளியாகியுள்ளது.

இந்தவகையில், தமிழ்நாட்டில் 336 பணியிடங்களும் , புதுச்சேரியில் 4 என மொத்தம் 340 பணியிடங்கள் காலியானதாக அறிவிக்கப்பட்டுள்ளது. எனவே, இதில் விண்ணப்பிக்க ஆர்வம் உள்ளவர்கள் வரும் 2025 ஜனவரி 7 ஆம் தேதிக்குள் ஆன்லைன் மூலம் விண்ணப்பித்திட வேண்டும்

விண்ணப்பிக்கும் முறை:

தகுதியும் விருப்பமும் உள்ளவர்கள் https://bank.sbi/web/careers/current-openings அல்லது https://www.sbi.co.in/web/careers/current-openings என்ற இணையதளத்தில் உள்ள (Recruitment of Junior Associates 2024) என்ற லிங்கில் சென்று ஆன்லைனில் விண்ணப்பிக்க வேண்டும்.

விண்ணப்பக் கட்டணம்: எஸ்சி,எஸ்டி. மாற்றுத்திறனாளி பிரிவினருக்கு கட்டணம் செலுத்த தேவையில்லை. மற்ற அனைத்து பிரிவினரும் ரூ.750 செலுத்த வேண்டும்.

வயது வரம்பு: 28-க்குள் இருக்க வேண்டும். 2.4.1996 தேதிக்கு முன்பும் 1.4.2004-க்கு பின் பிறந்திருக்கக்கூடாது.

கல்வி தகுதி: ஏதாவதொரு துறையில் இளங்கலைப் பட்டம் பெற்றிருக்க வேண்டும்.

மேலும், முதல்நிலைத் தேர்வு, முதன்மைத் தேர்வு மற்றும் தமிழ் மொழி தகுதித் தேர்வு ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.

தகுதித் தேர்வு : 10 மற்றும் 12-ஆம் வகுப்பில் தமிழ் மொழியில் படித்தவர்களுக்கு தகுதித் தேர்வு கிடையாது. மதிப்பெண் சான்றிதழை சரிபார்ப்புக்கு பின்பு இறுதி முடிவுகள் வெளியிடப்படும்.

சம்பளம்: மாதம் ரூ.24,050 - ரூ.64,480 வழங்கப்படும்.