ஆர்.கே.நகரில் மாற்றத்தை முன்னிறுத்தி மக்கள் நலக்கூட்டியக்கம் போட்டியிடும்: சிபிஎம்

ஆர்.கே.நகர் இடைத்தேர்தலில் மாற்றத்தை முன்னிறுத்தி மக்கள் நலக்கூட்டியக்கம் போட்டியிடும் என்று மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி.ராமகிருஷ்ணன் தெரிவித்துள்ளார்.

ஆர்.கே.நகர் இடைத்தேர்தலில் திமுகவுக்கு ஆதரவளிக்க கம்யூனிஸ்ட் கட்சிகள் மற்றும் விடுதலை சிறுத்தைகள் கட்சி உள்ளிட்ட கட்சிகள் முன்வர வேண்டும் என்று மு.க.ஸ்டாலின் வேண்டுகோள் விடுத்திருந்தார். இதுதொடர்பாக ஆலோசித்து முடிவெடுக்கப்படும் என்று விடுதலை சிறுத்தைகள் கட்சித் தலைவர் திருமாவளவன் தெரிவித்திருந்தார். இந்தநிலையில், ஆர்.கே.நகர் இடைத்தேர்தலில் மாற்றத்தை முன்னிறுத்தி மக்கள் நலக்கூட்டியக்கம் போட்டியிடும் என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி.ராமகிருஷ்ணன் தெரிவித்துள்ளார். அதிமுக, திமுக, காங்கிரஸ், பாஜக ஆகிய கட்சிகளுக்கு மாற்றாக மக்கள் நலக்கூட்டணி இயங்கி வருவதாகவும் ஜி.ராமகிருஷ்ணன் தெரிவித்துள்ளார்.