தீபாவளி பண்டிகை நாள் | இன்றைய நிலவரப்படி தங்கத்தின் விலை என்ன? 17 நாட்களில் இவ்வளவு உயர்வா?

சென்னையில் ஆபரணத் தங்கம் விலை வரலாறு காணாத உயர்வு கண்டுள்ள நிலையில், 17 நாட்களில் சவரனுக்கு 3 ஆயிரம் ரூபாய் வரை அதிகரித்துள்ளது. பண்டிகைக் காலங்களையொட்டி தங்கம் விலை இவ்வளவு ஏற்றம் கண்டுவருவது பொதுமக்களை பெரும் கவலையில் ஆழ்த்தியுள்ளது.

இன்று காலை நிலவரப்படி, 22 காரட் ஆபரணத் தங்கம் கிராமிற்கு 15 ரூபாய் விலை உயர்ந்து 7 ஆயிரத்து 455 ரூபாய்க்கும், ஒரு சவரன் 120 ரூபாய் விலை அதிகரித்து 59 ஆயிரத்து 640 ரூபாய்க்கும் விற்பனை செய்யப்படுகிறது. வெள்ளி விலையில் மாற்றமில்லாமல் ஒரு கிராம் 109 ரூபாய்க்கு விற்கப்படுகிறது. 17 நாட்களில் தங்கம் சவரனுக்கு 2 ஆயிரத்து 880 ரூபாய் விலை உயர்ந்துள்ளது. இதற்கு பல்வேறு பொருளாதார காரணங்கள் கூறப்பட்டாலும், மகளின் திருமணம், சீர்வரிசை என கட்டாயத் தேவைக்கு தங்கம் வாங்குபவர்களுக்கு பெரும் சிரமத்தை ஏற்படுத்தியுள்ளது.