தமிழகத்திலிருந்து ஆந்திராவுக்கு கடத்தப்படவிருந்த 1,200 கிலோ ரேஷன் அரிசி பறிமுதல்

அரக்கோணம் ரயில் நிலையம் வழியாக செல்லும் ரயிலில், ரேஷன் அரிசி கடத்தப்படுவதாக போலீசாருக்கு தகவல் கிடைத்தது. இதனைத்தொடர்ந்து, இன்று காலை போலீசார் அரக்கோணத்தில் இருந்து காஞ்சிபுரம் வழியாக வரும் வழியில் தக்கோலம் என்னும் இடத்தில் இருந்து மின்சார ரயில் பெட்டிகளில் திடீர் சோதனை நடத்தினர். அப்போது பயணிகளின் இருக்கைகளுக்கு கீழ் இருந்து 30 சிறிய மூட்டைகளில் கேட்பாரற்று கிடந்த 1,200 கிலோ எடை கொண்ட ரேஷன் அரிசியை போலீசார் பறிமுதல் செய்தனர்.