தூத்துக்குடி மாவட்டம் கோவில்பட்டி அருகேயுள்ள இனாம்மணியாச்சி இந்திரகாலனி பகுதி மக்கள் பயன்படுத்தி வரும் சுடுகாட்டிற்கு சுற்றுசுவர், தகன மேடை இல்லை என்பதால் திறந்த வெளியில் சடலத்தினை எரிக்கும் நிலை அங்கு உள்ளது. இதனால் மழைக்காலங்களில் பெரும் வேதனையை அனுபவித்து வருவதாக சொல்கின்றனர் அக்கிராமத்தினர். அந்தவகையில் நேற்றும்கூட அங்கு திடீரென மழை பெய்ததால், உயிரிழந்தவரின் உடலை எரிக்க, தாஙக்ளே தகர கொட்டகை அமைக்கும் நிலைக்கு மக்கள் தள்ளப்பட்டுள்ளனர்.
