’நம்ம நல்லதுக்கு தான் சொல்றாங்க தடுப்பூசி போட்டுக்கோங்க’ என்று கூறி நடிகர் சசிகுமார் விழிப்புணர்வு வீடியோ ஒன்றை வெளியிட்டுள்ளார்.
தமிழகம் முழுவதும் ஐந்தாவது முறையாக நாளை மெகா தடுப்பூசி முகாம் நடைபெற உள்ள நிலையில், பொதுமக்கள் அனைவரும் கட்டாயம் தடுப்பூசி செலுத்த வேண்டுமென தமிழக அரசு தொடர்ந்து வலியுறுத்தி வருகிறது. இந்த நிலையில், நடிகர் சசிகுமார் மதுரை மக்களுக்கு வேண்டுகோள் விடுத்து வீடியோ ஒன்றை வெளியிட்டுள்ளார்.
அதில், மதுரை மாவட்டத்தில் நாளை ஐந்தாவது முறையாக தடுப்பூசி முகாம் நடைபெற இருக்கிறது. பொதுமக்கள் அனைவரும் கட்டாயம் கொரானா தடுப்பூசி செலுத்திக்கொள்ள வேண்டும் என கேட்டுக் கொண்டுள்ளார். முதல் அலை, இரண்டாம் அலை நிறைய பாதிப்புகளை ஏற்படுத்தி விட்டது. தொடர்ந்து மூன்றாவது அலை வரப்போவதாக கூறுகிறார்கள்.
அதனை தடுக்க அரசு பல முயற்சிகளை எடுத்து வருகிறது. அரசுக்கு நாம் ஒத்துழைப்பு கொடுப்பது அவசியம். தமிழக அரசு நம்முடைய நல்லதுக்கு தான் தடுப்பூசி எடுத்துக்கொள்ள கூறுகிறார்கள் எனவே கட்டாயம் அனைவரும் தடுப்பூசி செலுத்த வேண்டும் என கேட்டுக் கொண்டு வீடியோ பதிவு ஒன்றை வெளியிட்டுள்ளார். அது சமூக வலைதளங்களில் வேகமாக பரவி வருகிறது.
<blockquote class="twitter-tweet"><p lang="ta" dir="ltr"><a href="https://twitter.com/SRajaJourno?ref_src=twsrc%5Etfw">@SRajaJourno</a> <a href="https://twitter.com/ptrmadurai?ref_src=twsrc%5Etfw">@ptrmadurai</a> <a href="https://twitter.com/pmoorthy21?ref_src=twsrc%5Etfw">@pmoorthy21</a> <a href="https://twitter.com/Subramanian_ma?ref_src=twsrc%5Etfw">@Subramanian_ma</a> அனைவருக்கும் வணக்கம் மதுரை மண்ணில் பிறந்த இயக்குனர்/தயாரிப்பாளர்/நடிகர் சசிகுமார் சார் நம் மதுரை மாவட்டம் மக்களை கொரோனா தடுப்பூசி திருவிழாவில் பங்கேற்க அழைப்பு விடுத்துள்ளார்.. நம் துறை சார்பாக அவர்களுக்கு நன்றி.. <a href="https://t.co/WT5aBcP0wN">pic.twitter.com/WT5aBcP0wN</a></p>— Paraneetharan.A (@tharanfilmmaker) <a href="https://twitter.com/tharanfilmmaker/status/1446713271621349382?ref_src=twsrc%5Etfw">October 9, 2021</a></blockquote> <script async src="https://platform.twitter.com/widgets.js" charset="utf-8"></script>
