ஆர்.கே.நகர் இடைத்தேர்தலில் 7 சுற்று முடிவில் நோட்டாவுக்கு 935 வாக்குகள் கிடைத்துள்ளன. பாஜகவுக்கு அதை விட குறைவாக வெறும் 519 வாக்குகளே கிடைத்துள்ளன.
ஆர்.கே.நகர் இடைத்தேர்தலில் பதிவான வாக்குகளை எண்ணும் பணி காலை 8 மணியிலிருந்து நடைபெற்று வருகிறது. டிடிவி தினகரன் தொடர்ந்து முன்னிலை பெற்று வருகிறார். இதுவரை 7 சுற்று முடிவுகள் அறிவிக்கப்பட்டுள்ளன. 7 சுற்றிலும் டிடிவி தினகரனே முன்னிலை வகித்து வருகிறார்.
7வது சுற்று முடிவில் டிடிவி தினகரன் 34,346 வாக்குகள் பெற்று தொடர்ந்து முதலிடத்தில் உள்ளார். இரண்டாவது இடத்தில் 17,471 வாக்குகளுடன் அதிமுக வேட்பாளர் மதுசூதனன் உள்ளார். திமுக வேட்பாளர் 9,206 வாக்குகளுடன் மூன்றாவது இடத்தில் உள்ளார். நாம் தமிழர் கட்சி வேட்பாளர் 1,509 வாக்குகளுடன் 4வது இடத்தில் உள்ளார். பாஜக 485 வாக்குகளை பெற்றுள்ளது. நோட்டாவுக்கு 925 வாக்குகள் பதிவாகியுள்ளன. தொடர்ந்து நோட்டாவை விட குறைந்த வாக்குகளையே பாஜக பெற்று வருகிறது.
