நாளை முதல் சென்னை மெட்ரோ ரயில் சேவை நேரம் நீட்டிப்பு..!

சென்னையில் மெட்ரோ ரயில் சேவை நேரம் நாளை முதல் நீட்டிக்கப்படுவதாக மெட்ரோ ரயில் நிர்வாகம் தெரிவித்துள்ளது.

மெட்ரோ ரயில் சேவைகள் தற்போது காலை 7 மணிமுதல் இரவு 9 மணிவரை மட்டுமே இயக்கப்பட்டு வரும் நிலையில், பயணிகளின் கோரிக்கையை ஏற்று திங்கள் முதல் சனிக்கிழமை வரை காலை 5.30 மணிமுதல் இரவு 11 மணிவரை மெட்ரோ ரயில்கள் இயக்கப்படும் என்று தெரிவித்துள்ளது. Peak Hours நேரங்களில் 7 நிமிட இடைவெளியிலும், மற்ற நேரங்களில்(Non Peak Hours) 10 நிமிட இடைவெளியிலும் ரயில்கள் இயங்கும் எனவும் தெரிவித்துள்ளது.

ஞாயிற்றுக்கிழமைகளிலும், அரசு பொது விடுமுறை நாட்களிலும் காலை 7 மணிமுதல் இரவு 10 மணிவரை மெட்ரோ ரயில்கள் ஓடும் எனவும் தெரிவித்துள்ளது.