அப்துல் கலாம் பிறந்த நாளை முன்னிட்டு மருத்துவ முகாம்

திருவாரூர் மாவட்டம் வாழ்க்கையில், மறைந்த முன்னாள் குடியரசு தலைவர் அப்துல் கலாம் பிறந்தநாளை முன்னிட்டு மருத்துவ முகாம் நடைபெற்றது.

இளைஞர்கள், மாணவர்களின் நம்பிக்கை நாயகனாக விளங்கிய அப்துல்கலாமின் 86-வது பிறந்தநாள் அக்டோபர் மாதம் 15-ம் தேதி கொண்டாடப்பட உள்ளது. இந்நிலையில் அப்துல் கலாம் நற்பணிமன்றம் சார்பில் மருத்துவ முகாமிற்கு, திருவாரூர் மாவட்டம் வாழ்க்கையை சேர்ந்த இளைஞர்கள் ஏற்பாடு செய்திருந்தனர். அதில் திருவாரூர் அரசு மருத்துவக் கல்லூரி மருத்துவமனை மற்றும் நன்னிலம் அரசு மருத்துவ மனையிலிருந்து 7 மருத்துவகுழுவினர் வந்திருந்து சிகிச்சை அளித்தனர். மருத்துவ முகாமில் 200-க்கும் மேற்பட்டோர் கலந்து கொண்டு சிகிச்சை பெற்றனர். இதற்கு முன்னதாக அப்துல்கலாமின் திருவுருவ சிலைக்கு மாலைஅணிவித்து மரியாதை செய்யப்பட்டது.