“மாற்றம், ஏமாற்றம் Vijay! திருச்சி கிழக்கு தொகுதி எனது ஒரே வருத்தம்..!” - இனிகோ இருதயராஜ் பேட்டி

“விஜய் வெற்றிபெற்றப் பிறகு திருச்சி கிழக்கு தொகுதி மக்களுக்கு நன்றி தெரிவிக்கக்கூட வரவில்லை. குறைந்தபட்சம் ஓட்டுபோட்டு தேர்ந்தெடுத்த அப்பகுதி மக்களுக்காக ஒரு சிறப்பு திட்டத்தையாவது அறிவித்திருக்கலாம். ஆனால், அதைக்கூட செய்யவில்லை” என்று ஆதங்கத்துடன் பேசுகிறார், திருச்சி கிழக்கு முன்னாள் எம்.எல்.ஏ இனிகோ இருதயராஜ்.

திருச்சி கிழக்கு தொகுதியை ராஜினாமா செய்திருக்கிறார், முதல்வர் விஜய். விரைவில் இடைத்தேர்தல் வரவுள்ள நிலையில், தி.மு.க தலைவர் மு.க ஸ்டாலின் திருச்சி கிழக்கு தொகுதியில் போட்டியிடவேண்டும் என்று தி.மு.கவினர் தீர்மானம் நிறைவேற்றியுள்ளனர். இந்த நிலையில், கிறிஸ்தவ நல்லெண்ண இயக்கத்தின் தலைவரும் திருச்சி கிழக்கு தி.மு.க முன்னாள் எம்.எல்.ஏவுமான இனிகோ இருதயராஜை சந்தித்து சில கேள்விகளை முன்வைத்தேன்...

எப்போதுமே மக்கள் நலனை சார்ந்து தி.மு.க இயங்கியதால், சினிமா மோக ரீல்ஸ் மாய உலகத்தில் என்ன நடக்கிறது என்பதை முறையாக கண்காணிக்க தவறிவிட்டோம். அதனால்தான், எங்களுக்கு இப்படியொரு தோல்வி ஏற்பட்டுவிட்டது.

ஆனால், ஆட்சி அமைத்த 15 நாட்களிலேயே கள எதார்த்தத்தை மக்கள் புரிஞ்சுக்க ஆரம்பிச்சிருக்காங்க. கோவை பாலியல் கொடூரத்தில், விஜய் ஆக்‌ஷன் ஹீரோன்னு நினைச்சு ஓட்டுப் போட்டுட்டோம் என்றார்கள். ‘பாட்டிலுக்கு பத்து ரூபாய்...’ என ஆட்சியை பிடிப்பதற்கு முன் பாட்டு பாடியிருந்தார், விஜய். ஆனால், பாட்டிலுக்கு பத்து ரூபாய் இன்னும் தொடர்கிறதே! விரைவில், மக்கள் தி.மு.கவின் சாதனைகளை முழுமையாக புரிந்துகொண்டு ஆட்சிமைக்க வைப்பார்கள்!”

ஆனால், விஜய் தன்னை எப்போது கிறிஸ்தவராக அடையாளப்படுத்திக்கொண்டார்? இத்தனை ஆண்டுகள் விஜய் என அடையாளப்படுத்தி நடித்துவிட்டு, இப்போதுதானே ஜோசப் விஜய் என அடையாளப்படுத்திக் கொண்டார்? தேவாலயங்களுக்கு முட்டிபோட்டு சென்று ட்ராமா செய்தார்? இதையெல்லாம் ஏன் முன்கூட்டியே செய்யவில்லை? மணிப்பூரில் தேவாலயங்கள் எரிக்கப்பட்ட சம்பவம் நாட்டையே பற்றி எரியவைத்தது. பெண்கள் நிர்வாணமாக்கப்பட்டு பாலியல் வன்புணர்வு செய்யப்பட்ட கொடூரமும் நடந்தேறியது.

டெல்லி கலவரத்தின்போது இஸ்லாமிய மக்களின் வீடுகள், கடைகள் எரிக்கப்பட்டு சூறையாடப்பட்டன. அப்போதெல்லாம், இதற்கு எதிராக குரல் ஜோசப் விஜய் கொடுத்தாரா? ஆனால், தி.மு.க குரல் கொடுத்தது. எங்கே போனார் விஜய்? சிறுபான்மையினர், பட்டியலினத்தவர் என அனைவரையும் அரவணைக்கும் உண்மையான சமூக நீதி அரசு தி.மு.க தான். இனி ஆட்சியில் இருக்கும் விஜய்யின் செயல்பாடுகளை பார்த்துதான், அடுத்த தேர்தல்களில் கிறிஸ்தவ மக்கள் வாக்களிப்பார்கள். என்னை பொறுத்தவரை, முதல்வராக விஜயின் 20 நாள் செயல்பாடுகளை மாற்றம்.. ஏமாற்றம்... விஜய்! என்றுதான் சொல்வேன்!”

நான், அப்படி பேசியதும் தளபதி ஸ்டாலின் உடனடியாக ஒரு குழுவை அமைத்து, எங்களுடைய கோரிக்கைகளை கேட்டு நிறைவேற்ற ஆரம்பித்தார். 16 இடங்களில் கல்லறை தோட்டங்கள் அமைக்கப்பட்டிருக்கின்றன. குறிப்பாக, சில கோரிக்கைகள் உடனடியாக நிறைவேற்றப்பட்டன. சில கோரிக்கைகள், அதற்கான செயல்பாட்டில் இருந்தன!”

“தி.மு.க சமூகநீதி அரசு, சிறுபான்மை நலன் சார்ந்த அரசு என்கிறீர்கள். த.வெ.க பட்டியலினத்தவருக்கும் சிறுபான்மையிருக்கும் ஆட்சி அதிகாரத்தில் பங்களித்து பாராட்டுகளை குவித்துள்ளதே? இதை ஏன் தி.மு.க ஆட்சியில் செய்யவில்லை என்கிற விமர்சனம் முன்வைக்கப்படுகிறதே?”

திருச்சி காந்தி மார்க்கெட் 40,000 தொழிலாளர்கள் பயனடையும் பகுதி. அந்த இடத்தை 50 கோடி ரூபாய் நிதியுதவியில் நாங்கள் சீரமைத்தோம். தொகுதி மக்களுக்கு 250 நடைபாதை காய்கறி கடைகளை அமைத்துக் கொடுத்திருக்கிறேன். தொகுதி முழுக்க பெண்களுக்கு தையல் மெஷின் பயிற்சி கொடுத்து சுயமாக முன்னேற வைத்திருக்கிறோம். குடிசைப் பகுதியில் வாழும் மக்களுக்கு சாலை வசதி, குடிநீர் வசதி என அத்தனை வசதிகளையும் செய்து கொடுத்துள்ளேன். என்னுடைய எம்.எல்.ஏ சம்பளத்தை முழுமையாக ஏழ்மையான மாணவர்களின் கல்விக் கட்டணம் செலுத்த தொடர்ச்சியாகப் பயன்படுத்தினேன். நண்பர்களிடம் கடன் வாங்கிக்கூட கட்டண உதவிகளை செய்துள்ளேன்.

இப்படி, நான் எம்.எல்.ஏவாக இருக்கும்போது தினமும் மாலை நேரத்தில் மக்களை சந்தித்து குறைகளை கேட்டுக் கொண்டிருப்பேன். ஆனால், என்னுடைய ஒரே வருத்தம் என்னவென்றால், விஜய் ராஜினாமா செய்ததால் திருச்சி கிழக்கு தொகுதியில் 6 மாதங்களுக்கு எம்.எல்.ஏ கிடையாது. இந்த 6 மாதங்களும் மக்கள் யாரிடம் போய் தங்களுக்காக உதவிகளை கேட்பார்கள்?

இது பள்ளி, கல்லூரிகள் திறக்கும் நேரம். ஏழ்மையான மாணவர்கள் கட்டணம் செலுத்த முடியாமல் தவியாய் தவித்துக்கொண்டிருப்பார்கள். அதை நினைத்தால்தான் எனக்கு வருத்தமாக உள்ளது.

அதேநேரம், இந்த ஆறு மாதங்களில் திருச்சி கிழக்கு தொகுதியில் என்ன பிரச்சனை என்றாலும் என்னை அணுகலாம். அவர்களுக்கான உதவிகளை எந்தளவுக்கு முடியுமோ அந்தளவுக்கு செய்ய முயற்சிப்பேன்.

மற்றபடி, நான் மீண்டும் போட்டியிடுகிறேனா? இல்லையா? என்பது தலைமை முடிவெடுக்கவேண்டிய விஷயம். அதேநேரம், திருச்சி கிழக்கில் தளபதி ஸ்டாலின் போட்டியிட்டால் உயிரைக் கொடுத்து வெற்றிக்கான பணியில் ஈடுபடுவேன். ஒவ்வொரு தி.மு.க தொண்டரும் அவரது வெற்றிக்காக பாடுபடுவார்கள். தளபதி அவர்கள், திருச்சி கிழக்கில் போட்டியிடவேண்டும் என்பதுதான் எனது விருப்பம்!”