தொடர்மழை எதிரொலி: சென்னையில் மெட்ரோ பணிகள் நிறுத்தம்

தொடர்ந்து பெய்து வரும் கனமழையால் சென்னை சாலைகளில் நடைபெற்று வந்த மெட்ரோ சுரங்கபாதை பணிகள் நிறுத்தப்பட்டுள்ளன.

வடகிழக்கு பருவமழை தீவிரம் அடைந்துள்ள நிலையில் சென்னையில் தொடர்ந்து 4 நாட்கள் கனமழை பெய்து வருகிறது. இதன் எதிரொலியாக சென்ட்ரல்- சைதாப்பேட்டை இடையேயான மெட்ரோ பணிகள் தற்காலிகமாக நிறுத்தப்பட்டுள்ளன. சென்னை அண்ணாசாலையில் 19 கி.மீ தொலைவில் நடைபெற்று வந்த சுரங்கபாதை பணிகள் கடந்த 3 நாட்களாக தடைப்பட்டு உள்ளது. மேலும் சுரங்கபாதையில் புகுந்துள்ள மழைநீரை வெளியேற்றும் பணி தற்போது துவங்கியுள்ளது. அதே போல் முன்னெச்சரிக்கை நடவடிக்கையாக சில மெட்ரோ சுரங்கபாதையில் மழைநீர் புகாதபடி, மணல் மூட்டைகளை வைத்து ஊழியர்கள் தடுப்பு சுவரை எழுப்பி வருகின்றனர்.