தமிழகத்தில் மக்களவைத் தேர்தல் நடந்து வரும் நிலையில், வாக்குப்பதிவானது மிக மந்தமான நிலையில் நடைபெற்று வருகிறது. இந்நிலையில் தலைமை தேர்தல் அதிகாரி சத்யபிரதா சாகு செய்தியாளார்களை சந்தித்து பேசுகையில்,
“பிற்பகல் 1 மணி வரை வந்த விவரத்தின்படி வாக்குப்பதிவானது தமிழ்நாட்டில் 40.05% வாக்குகள் பதிவாகி உள்ளன. அதிகபட்டமாக தருமபுரியில் 44.08% வாக்குகள் பதிவாகி உள்ளன. மத்திய சென்னையில் 32.31 % வாக்குகள் பதிவாகி உள்ளன. விளவங்கோடு தொகுதியில் 35.14% பதிவாகியுள்ளன.
இன்னும் வாக்களிக்க நேரம் இருப்பதால் மக்கள் ஆர்வத்துடன் வந்து வாக்களிப்பார்கள் என எதிர்பார்க்கிறோம். மேலும் வாக்காளர்களின் வசதிக்காக நாற்காலி மற்றும் குடிநீர் வசதிகள் செய்யப்பட்டுள்ளன. நிழலுக்கு பந்தல், மருத்துவ வசதியும் செய்து கொடுத்து இருக்கின்றோம். வெயிலை சமாளிக்க பல்வேறு ஏற்பாடுகள் செய்யப்பட்டுள்ளன” என்றார்.
