தமிழ்நாடு
முட்டை விலை 10 காசுகள் உயர்வு: 4 ரூபாய் 30 காசாக நிர்ணயம்
முட்டை விலை 10 காசுகள் உயர்வு: 4 ரூபாய் 30 காசாக நிர்ணயம்
முட்டை விலை ஏழு நாட்களுக்கு பிறகு 10 காசுகள் உயர்த்தப்பட்டு, 4 ரூபாய் 30 காசாக நிர்ணயிக்கப்பட்டுள்ளது.
கடந்த மாதம் 28 ஆம் தேதியிலிருந்து ஒரு முட்டையின் பண்ணை கொள்முதல் விலை 4 ரூபாய் 20 காசாக இருந்தது. இதைத் தொடர்ந்து இன்று நாமக்கல்லில் நடைபெற்ற தேசிய முட்டை ஒருங்கிணைப்புக் குழுக் கூட்டத்தில், முட்டை ஒன்றின் பண்ணை கொள்முதல் விலையை பத்து காசுகள் உயர்த்த முடிவு செய்யப்பட்டது. அதன்படி ஒரு முட்டையின் பண்ணை கொள்முதல் விலை 4 ரூபாய் 30 காசுகளாக நிர்ணயிக்கப்பட்டுள்ளது.
கோழித் தீவன மூலப்பொருள்களின் விலையேற்றம், தமிழ்நாடு மற்றும் கேரளாவில் தேவை அதிகரிப்பு ஆகிய காரணங்களால் விலை உயர்த்தப்படுவதாக கோழி பண்ணையாளர்கள் கூறினர். வரும் நாட்களில் மேலும் விலை உயரக்கூடும் என்றும் அவர்கள் தெரிவித்தனர்.
