தமிழகத்தில் போதைப்பொருள் கடத்தல் அதிகரிப்பு

தமிழகத்தில் போதைப்பொருள் கடத்தல் 13 சதவீதம் அதிகரித்துள்ளதாக போதைப்பொருள் தடுப்பு பிரிவு தெரிவித்துள்ளது.

கஞ்சா, ஹெராயின், கொகைன், சூடோ எபிடரின், எல்.எஸ்.டி, எபிடரின் போன்ற போதைப்பொருட்கள் கிலோ கணக்கில் கடத்தப்படுவதாகவும் கூறப்படுகிறது. குறிப்பாக, மதுரை - கொச்சின் வழியாக அதிகளவு போதைப்பொருட்கள் கடத்தப்படுவதும் தெரியவந்துள்ளது.

2016ஆம் ஆண்டு 405 கிலோவும், 2017ஆம் ஆண்டு 455 கிலோ போதைப்பொருட்களும் பிடிபட்டுள்ளது. இந்த அளவு 2018‌ஆம் ஆண்டு மேலும் அதிகமாக வாய்ப்புள்ளதால் கண்காணிப்பை தீவிரப்படுத்தியுள்ளதாகவும் போதைப்பொருள் தடுப்பு காவல்துறையினர் தெரிவித்துள்ளனர்.