காங்கிரஸ் செய்த அதே தவறைத்தான் பாஜகவும் செய்கிறது! - வாசகர்களின் கமெண்ட்ஸ் #LikeDislike
தினமும் மாலை 7 மணிக்கு டிஜிட்டல் விவாத மேடையின் தலைப்பு புதிய தலைமுறையின் ட்விட்டர் & ஃபேஸ்புக் பக்கங்களில் வெளியாகும். அது பற்றிய உங்கள் கருத்துகளை அங்கேயே பதிவிடலாம். புதிய கோணத்தில், சுவாரஸ்யமாகச் சொல்லப்படும் கருத்துகளில் தேர்வு செய்யப்படுபவை, எழுதியவரின் பெயரோடு புதிய தலைமுறை இணையப் பக்கத்தில் வெளியாகும் என அறிவித்திருந்தோம். அதன்படி, நேற்று பிப்ரவரி 22-ஆம் தேதி தேதிக்கான தலைப்பாக ‘தேர்தலில் பாஜகவை தமிழக மக்கள் ஆதரிக்கமாட்டார்கள்- ராகுல்' இது நிஜமானதா தகர்க்கப்பட்டதா எனக் கேட்டிருந்தோம். வந்திருந்த கமெண்ட்களில் தேர்ந்தெடுக்கப்பட்டவை கீழே...
2014 நாடாளுமன்றத் தேர்தலில் இந்த திமுக, காங்கிரஸ், கம்யூனிஸ்ட், விசிக கட்சிகள் வாங்கிய இடங்கள் முட்டை மட்டுமே...Seat share % பார்த்தால் 0 என்றே வரும்.. ஆனால் இதுவா அந்த கட்சிகளின் பலம்? இதுவா அந்த கட்சிகளின் வாக்கு சதவிகிதம்?
ஒரு ஓட்டுதான் வெற்றி தோல்வியை நிர்ணயிக்கும்..பலத்தை நிர்ணயிப்பது கட்சி வாங்கிய வாக்குகளின் எண்ணிக்கை மட்டுமே.
காந்தியை கொன்ற கோட்சே நல்லவர் என்று தேர்தலுக்கு முன்பே பேசிய #பாஜக வேட்பாளர் இன்று வென்றுள்ளார்.
இதுவே ஒரு மிக பெரிய உதாரணம் பாஜக தமிழ்நாட்டில் வளர்ந்து கொண்டிருக்கிறது.
களத்தில் பாஜக உழைக்கிறது !! காங்கிரஸ் வேடிக்கை பார்க்கிறது.
அதிமுக eps - ops இல்லாத நல்லதொரு தலைமை கிடைத்தால் மீண்டும் பழைய நிலைக்கு திரும்பும்..
பாஜகவின் மத அரசியல் தமிழகத்தில் எடுபடாது.
பாஜகவின் அரசியல் தமிழக மக்களால் நிர்ணயம் செய்யப்படும்.
மக்கள் விரும்பும் அரசியலை செய்தால் மட்டுமே பாஜக இங்கு வளர முடியும்..
இங்கு பல கட்சிகள் அதிமுக - திமுகவிற்கு மாற்று என்று வந்தார்கள், வென்றார்கள் ஆனால் காணாமல் போகிறார்கள்.. காரணம் மக்கள் அவர்களுக்கு வாய்ப்பு கொடுப்பார்கள் ஆனால் உங்களால் மக்களுக்கு திட்டங்கள் இல்லை எனில் உடனே நிராகரிக்க படுவீர்கள்..
இந்த தேர்தலில் உங்களுக்கு வாய்ப்புதான் வழங்கப்பட்டு உள்ளது.. நீங்கள் அடுத்த தேர்தலில் துரத்தி அடிக்கப்படலாம். அது நீங்கள் செய்யும் அரசியலை பொறுத்தது..
கவனிக்கவும்...
திமுக, காங்கிரஸ் ஏன் அதிமுக கூட இன்னும் நிராகரிக்கப்படவில்லை..
சென்னையின் 200 வார்டில் 199 வார்டில் பாஜக நிராகரிக்கப்பட்டு இருக்கிறது!
தமிழகத்தின் 138 முனிசிபாலிடிகளில் 138 முனிசிபாலிடிகளிலும் பாஜக நிராகரிக்கப்பட்டு இருக்கிறது!
தமிழ்நாட்டின் 490 டவுன் பஞ்சாயத்தில் 489 டவுன் பஞ்சாயத்து பாஜகவை நிராகரித்து இருக்கிறது!
தமிழ்நாட்டின் 21 இடத்திலும் மேயராக முற்றிலும் நிராகரிக்கப்பட்டு இருக்கிறது!
பொய்க்கும் புரட்டுக்கும் மதவாதத்துக்கும் சாதி வேற்றுமைக்கும் தமிழகத்தில் இடம் இல்லை
