தமிழகத்தில் தொடர்ந்து அதிகரித்து வரும் கொரோனா தொற்று

தமிழகத்தில் கொரோனா ஒரேநாளின் பாதிப்பு 80 நாட்களுக்கு பிறகு மீண்டும் ஆயிரத்தை தாண்டியுள்ளது.

கடைசியாக கடந்த ஆண்டு டிசம்பர் மாதம் 28ஆம் தேதி ஒரே நாளில் ஆயிரத்து 8 பேருக்கு நோய் தொற்று கண்டறியப்பட்டது. அதன்பிறகு தற்போது ஒரே நாளில் ஆயிரத்து 87 பேர் நோய் தொற்றுக்கு ஆளாகியுள்ளனர். இதன்மூலம் இதுவரையிலான பாதிப்பு 8 லட்சத்து 64 ஆயிரத்து 450ஆக அதிகரித்துள்ளது.

அதே போல், சிகிச்சை பெற்று வருவோரின் எண்ணிக்கையும் 6 ஆயிரத்து 690ஆக உயர்ந்துள்ளது. புதிதாக 610 பேர் டிஸ்சார்ஜ் செய்யப்பட்டுள்ளதை அடுத்து, குணமடைந்தோர் எண்ணிக்கை 8 லட்சத்து 45 ஆயிரத்து 178ஆக அதிகரித்துள்ளது. ஒரே நாளில் 9 பேர் வைரஸ் தொற்றால் உயிரிழந்துள்ளனர். பலி எண்ணிக்கை 12 ஆயிரத்து 582ஆக உயர்ந்துள்ளது.