நியாயவிலைக் கடைகளில் பொங்கல் பரிசுத் தொகுப்பு வழங்குவதற்கான முன்னேற்பாடுகளை மேற்கொள்ளுமாறு அனைத்து மண்டல பதிவாளர்களுக்கும், கூட்டுறவு சங்கங்களின் பதிவாளர் சுற்றறிக்கை அனுப்பியுள்ளார். அதில், எக்காரணம் கொண்டும் குடும்ப அட்டைதாரர்களுக்கு பொருட்கள் இல்லை என்ற நிலை ஏற்படாதவாறு பார்த்துக்கொள்ள வேண்டும் என அறிவுறுத்தப்பட்டுள்ளது. பரிசுத் தொகுப்பை வழங்கவேண்டிய நாளுக்கு முன்பாகவே நியாயவிலைக் கடைகளுக்கு எடுத்துச்செல்ல வேண்டும் என்றும், குடும்ப அட்டைதாரர்களுக்கு விநியோகிக்கும் முன்பாக இருப்பை சரிபார்த்துக் கொள்ளவேண்டும் எனவும் தெரிவிக்கப்பட்டுள்ளது.
