அக்கடிதத்தில், நடந்து முடிந்த சட்டசபை தேர்தலின்போது, உண்மையாகவும், நேர்மையாகவும் உழைத்ததாகவும், ஆனால் ஹெச்.ராஜா, தான் செய்த தவறுகளை மறைப்பதற்காக பாஜக நகர நிர்வாகிகள் மீது குற்றச்சாட்டு கூறி வருவதாகவும் தெரிவித்திருந்தார். மேலும் ஹெச்.ராஜா, தன்னுடைய ஆதரவாளர்களை ஏவிவிட்டு, தனக்கும் தனது குடும்பத்தினருக்கும் தொடர்ந்து கொலை மிரட்டல் விடுத்து வருவதாகவும், எங்களுக்கு ஏதாவது ஒன்று என்றால் அதற்கு ஹெச்.ராஜாவும், அவருடைய ஆதரவாளர்களும்தான் பொறுப்பு என்று கூறி இருப்பதோடு மட்டுமல்லாமல், கட்சிப் பதவியில் இருப்பதற்கு அச்சமாக இருப்பதாக தெரிவித்து கட்சிப் பொறுப்பில் இருந்து தான் விலகுவதாகவும் தெரிவித்திருந்தார்.
