Headlines|திருச்செந்தூரில் இரு தரப்பினர் இடையே முற்றிய மோதல் முதல் தமிழகத்தை குளிர்வித்த மழை வரை!

பிரதமர் நரேந்திர மோடியுடன் அமெரிக்க துணை அதிபர் ஜே.டி.வான்ஸ் சந்திப்பு முதல் வர்த்தக ஒப்பந்தம் தொடர்பான பேச்சுவார்த்தை முன்னேற்றத்துக்கு வரவேற்பு.

போப் பிரான்சிஸ் மறைவையொட்டி இந்தியாவில் 3 நாட்கள் துக்கம் அனுசரிக்க மத்திய அரசு அறிவிப்பு..

திருச்செந்தூரில் இருதரப்பினர் இடையே பயங்கர மோதல். 5 பேருக்கு அரிவாள் வெட்டு, பதற்றம் நிலவுவதால் காவல் துறையினர் குவிப்பு.

மராத்தியை தவிர வேறு எந்த மொழியும் கட்டாயமில்லை எனும் மஹாராஷ்டிரா முதல்வரின் நிலைப்பாட்டை, மத்திய அரசு அங்கீகரிக்குமா? என பிரதமர் மோடிக்கு முதல்வர் மு.க. ஸ்டாலின் கேள்வி.

பாஜகவுடன் கூட்டணி இல்லை என கூறிவிட்டு கூட்டணி வைத்ததாக அதிமுக மீது முதல்வர் ஸ்டாலின் விமர்சனம். நீட் தேர்வை ரத்து செய்தால்தான் கூட்டணி என அதிமுக நிபந்தனை விதிக்குமா? எனவும் கேள்வி.

அதிமுக-பாஜக கூட்டணியால் முதல்வர் அச்சம் அடைவது ஏன்? என எதிர்க்கட்சித் தலைவர் எடப்பாடி பழனிசாமி கேள்வி.

அதிமுகவில் தற்போதும் தமக்கு ஸ்லீப்பர் செல்கள் உள்ளதாக அமமுக பொதுச் செயலாளர் டிடிவி தினகரன் பேட்டி. அதிமுகவுக்கும் தங்களுக்கும் இருப்பது பங்காளி சண்டை என்றும் விளக்கம்.

தமிழகத்தில் HIV தொற்றால் பாதிக்கப்பட்ட குழந்தைகளுக்கு மாதம் தோறும் ஆயிரம் ரூபாய் உதவித் தொகை என சட்டப்பேரவையில் மருத்துவத் துறை அமைச்சர் மா.சுப்பிரமணியன் அறிவிப்பு.

பரந்தூர் மக்களே, நம்பிக்கையோடு இருங்கள் என தவெக தலைவர் விஜய், எக்ஸ் தளத்தில் பதிவு. போராட்டம் ஆயிரம் நாட்களை கடந்த நிலையில், நாளை நமதே எனக்கூறி விமான நிலைய எதிர்ப்புக் குழுவினருக்கு ஆதரவு.

சித்திரை திருவிழாவையொட்டி ஸ்ரீரங்கம் கோயிலில் நம்பெருமாள் தங்க கருட சேவை. ஏராளமான பக்தர்கள் சாமி தரிசனம்.

தமிழகத்தில் கோடை வெயிலுக்கு மத்தியில் ஒருசில இடங்களில் கனமழை. ஸ்ரீவைகுண்டத்தில் சூறைக்காற்றால் ஏராளமான வாழை மரங்கள் சேதம்.

திருச்செங்கோட்டில் வருவாய் கோட்டாட்சியர் அலுவலகத்தில் கிராம மக்கள் உள்ளிருப்பு போராட்டம். ஏரியை மீன் பாசி குத்தகை ஏலத்துக்கு விடக்கூடாது என வலியுறுத்தல்.

2 செயற்கைக்கோள்களை விண்வெளியில் 2 ஆவது முறையாக இணைத்து இஸ்ரோ சாதனை. விண்வெளி துறையில் இந்தியாவுக்கு மிகப்பெரும் முன்னேற்றம் என மத்திய அமைச்சர் ஜிதேந்தர் சிங் பெருமிதம்.

கர்நாடக முன்னாள் முதல்வர் எடியூரப்பா மீதான நில முறைகேடு வழக்கு. உச்ச நீதிமன்றத்தின் விரிவான அமர்வுக்கு மாற்றம்.

போர் நிறுத்தம் குறித்து உக்ரைனுடன் நேரடியாக அமைதி பேச்சுவார்த்தை நடத்த தயார். ரஷ்ய அதிபர் புடின் கருத்து.

அமெரிக்காவில் 300 பயணிகளுடன் புறப்பட தயாராக இருந்த விமானத்தில் தீ விபத்து. அவசர வழியாக வெளியேறிய பயணிகள்.

ஐபிஎல் போட்டியில் கொல்கத்தா அணியை வீழ்த்திய குஜராத். 39 ரன்கள் வித்தியாசத்தில் வெற்றி பெற்ற டைட்டன்ஸ்.

தமிழ்நாடு காங்கிரஸ் சட்டமன்றக் குழு தலைவர் ராஜேஷ் குமாருக்கு 3 மாதங்கள் சிறை தண்டனை விதிப்பு. 2024ஆம் ஆண்டு அரசு அதிகாரிகளை தாக்கியதாக தொடரப்பட்ட வழக்கில் நாகர்கோவில் நீதிமன்றம் தீர்ப்பு.

ஆசிரியர்கள், அரசு அலுவலர்கள் போன்று காவல் துறையினருக்கு மட்டும் ஏன் சங்கங்கள் இல்லை . காவலருக்கான விடுமுறை அரசாணையை அமல்படுத்தக்கோரிய வழக்கில் உயர்நீதிமன்ற மதுரைக் கிளை கேள்வி .