செயற்குழு, பொதுக்குழுவில் நிறைவேற்றப்படவுள்ள தீர்மானங்கள் தொடர்பாக ஆலோசிக்க அதிமுக மாவட்டச் செயலாளர்கள் கூட்டம் வரும் செவ்வாய்க்கிழமை நடைபெற உள்ளது.
அதிமுகவின் செயற்குழு பொதுக்குழுக் கூட்டம் வரும் 23-ஆம் தேதி காலை 10 மணிக்கு வானகரத்தில் உள்ள ஸ்ரீவாரு வெங்கடாஜலபதி பேலஸ் மண்டபத்தில் நடைபெற உள்ளது. இந்த செயற்குழு பொதுக்குழுவில் அதிமுக சார்பில் நீட் தேர்வு விலக்கு, கச்சத்தீவு மீட்பு, சட்டம்-ஒழுங்கு பிரச்னைகளுக்கு தீர்வு, மீண்டும் ஆட்சியில் அதிமுக உள்ளிட்ட பல்வேறு தீர்மானங்கள் நிறைவேற்றப்பட உள்ளன.
இந்நிலையில் வரும் செவ்வாய்க்கிழமை அதிமுக மாவட்டச் செயலாளர்கள் கூட்டம் ஒருங்கிணைப்பாளர்கள் ஓ.பன்னீர்செல்வம், எடப்பாடி பழனிசாமி தலைமையில் நடைபெறும் என அறிவிக்கப்பட்டுள்ளது. செயற்குழு - பொதுக்குழுவில் எடுக்கப்பட வேண்டிய முக்கிய தீர்மானங்கள் மற்றும் அதிமுகவின் சட்ட விதிகளில் மேற்கொள்ளப்பட உள்ள திருத்தங்கள் தொடர்பாகவும் மாவட்ட செயலாளர்கள் கூட்டத்தில் ஆலோசிக்கப்பட உள்ளது
இதையும் படிக்கலாம்: ``மதவெறிப் பேச்சுகளை மதுரை ஆதினம் உடனடியாக நிறுத்த வேண்டும்”- முரசொலி
